Jalgaon News : शहरातील शांतिनगर भागातील रहिवासी माधुरी हरिश्चंद्र बढे यांच्या राहत्या घरातील बेडरूमच्या खिडकीतून अज्ञात चोरट्यांनी सुमारे ६८ हजार रुपये किमतीचे सोन्याचे दागिने व रोख रक्कम चोरून नेल्याची घटना बुधवारी (ता. १७) उघडकीस आली. (thieves looted money worth around Rs 68 thousand in robbery jalgaon crime news)

ही चोरी मंगळवारी (ता.१६) रात्री बारा ते बुधवारी (ता.१७) सकाळी पाचच्या दरम्यान झाली. बढे यांच्या घरातील बेडरूमच्या खिडकीतून अज्ञात इसमांनी हत्याराने खिडकी तोडून घरात प्रवेश केला व घरातील गोदरेजच्या कपाटात ठेवलेले तीस हजार रोख व अकरा हजार रुपये किमतीचे

२७ ग्रॅम वजनाचे सोन्याचे मंगळसूत्र, २२ हजार रुपये किमतीच्या सोन्याच्या चार बांगड्या, चार हजार ४०० रुपये किमतीची १ ग्रॅम सोन्याची मोती असलेली नाकातील नथ असा एकूण ६८ हजारांचा मुद्देमाल चोरून नेला.

याबाबत माधुरी हरिश्चंद्र बढे यांनी दिलेल्या फिर्यादीवरून शहर पोलिसात चोरट्यांविरोधात गुन्हा दाखल करण्यात आला आहे. सहायक निरीक्षक नीलेश गायकवाड तपास करीत आहेत.