जळगाव : शहरातील गंधर्व कॉलनीतील ज्ञानप्रभा अपार्टमेंटच्या पार्किंगमध्ये उभी असलेली स्विफ्ट कार चोरट्यांनी अलगद लंपास केल्याची घटना घडली. या प्रकरणी जिल्हापेठ पोलिस ठाण्यात चोरट्यांविरोधात गुन्हा दाखल झाला आहे.(Thieves stole car parked in parking lot at gandharv colony jalgaon latest news)

जिल्‍हापेठ पोलिसांत वैष्णवी भरत पाटील (वय २१, रा. ज्ञानप्रभा अपार्टमेंट, गंधर्व कॉलनी) यांनी दिलेल्या तक्रारीनुसार, पाटील कुटुंबीय खासगी नोकरी करत असून, नेहमीप्रमाणे कामावरून परतल्यानंतर त्यांनी त्यांच्या मालकीची स्विफ्ट कार (एमएच १९, बीजे ७१७४) अपार्टमेंटच्या पार्किंगमध्ये उभी केली होती.

मध्यरात्री चोरट्यांनी कार नेल्याचे उघडकीस आले. त्यांनी परिसरात सर्वत्र शोध घेतला; परंतु कार कुठेही दिसून आली नाही. त्यांनी तातडीने जिल्हापेठ पोलिस ठाण्यात धाव घेऊन तक्रार दिली. त्यांच्या तक्रारीवरून दुपारी एकला अज्ञात चोरट्यांविरोधात जिल्हापेठ पोलिस ठाण्यात गुन्हा दाखल करण्यात आला आहे. पोलिस नाईक प्रदीप पाटील तपास करीत आहेत.