जळगाव : तालुक्यातील जळके शिवारातील शेततळ्यातील ६५ हजार रुपयांचा ११०० चौरस मीटर प्लॅस्टिक कागद (Plastic Paper) चोरट्यांनी (Thieves) लांबविला. (Thieves stole plastic paper from farm Jalgaon Crime News)

जळके गावातील रहिवासी प्रशांत पाटील (वय ४०) यांनी शेतात शेततळे उभारले असून, त्यात ५० मायक्रॉन जाडीचा ११०० चौरस मीटर लांबीचा प्लॅस्टिक कागद टाकला होता. मंगळवारी (ता. १४) सकाळी आठच्या सुमारास शेतकरी प्रशांत पाटील शेतात आले असता, त्यांना शेततळ्यातील प्लॅस्टिक कागद दिसून आला नाही. परिसरात शोध घेऊनही प्लॅस्टिक कागद मिळाला नाही. याबाबत प्रशांत पाटील यांनी दिलेल्या तक्रारीवरून एमआयडीसी पोलिसांत गुन्हा दाखल झाला आहे. पोलिस नाईक स्वप्नील पाटील तपास करीत आहेत.