Jalgaon Accident News : येथून जवळच असलेल्या अंतुर्ली खुर्द शिवारात असलेल्या ‘आयटीआय’जवळ भरधाव दोन दुचाकींची समोरासमोर धडक होऊन दोघांचा मृत्यू तर महिला जखमी झाली आहे.

ही घटना मंगळवारी रात्री घडली.(Two wheeler accident near Kasoda jalgaon news)

कासोदा येथून अमोल मांगीलाल भोई (रा. उत्राण) हा दुचाकीने (एमएच १९, डीई ४०५८) उत्राणकडे जात होता. त्याच वेळी निपाणेकडून वासुदेव गोरख पाटील हा त्याच्या दुचाकीवर (एमएच १९, डीके ६०८७) कासोद्याकडे येत होता.

दरम्यान, ‘आयटीआय’जवळ दोघा दुचाकींची समोरासमोर जोरदार धडक झाली. दोघेही यात मृत्युमुखी पडले. यातील एका दुचाकीवर बसलेली अंतुर्ली येथील महिला जखमी अवस्थेत असल्याची माहिती सूत्रांकडून देण्यात आली आहे.

याबाबत कासोदा पोलिस ठाण्यात मंगळवारी (ता. १९) रात्री घटनेबाबत नोंद करण्यात करण्यात आली. सहाय्यक पोलिस निरीक्षक योगिता नारखेडे यांच्या मार्गदर्शनाखाली सहाय्यक फौजदार रवींद्र पाटील हे तपास करीत आहेत.