जळगाव : शहरात नागरिकांना कोरोनाची लस देण्यासाठी दोन खासगी रुग्णालयात लसीकरण केंद्र सुरू करण्यात आले आहे. सोमवारी ऑर्किड हॉस्पिटलमध्ये तिसरे केंद्र महापौर भारती सोनवणे, आमदार सुरेश भोळे यांच्या उपस्थितीत सुरू करण्यात आले. 

आवश्य वाचा- वैद्यकीय महाविद्यालयात कोरोना लस घेण्यासाठी परिचारिकांचा पुढाकार 
 

जळगाव शहरात कोरोना लसीकरणाला सुरवात झाली असून पहिल्या फळीतील कर्मचाऱ्यांना लस देण्याचे काम सुरू आहे. शहरातील गोल्डसिटी हॉस्पिटल, गाजरे हॉस्पिटलमध्ये लसीकरण केंद्र सुरू करण्यात आल्यानंतर सोमवारी ऑर्किड हॉस्पिटलमध्ये तिसरे केंद्र कार्यान्वित करण्यात आले. 

वाचा- संतापजनक..आवाज देवूनही ना डॉक्‍टर आले ना कर्मचारी; शेवटी रिक्षातच झाली प्रसुती
 

या वेळी नगरसेवक कैलास सोनवणे, मनपाचे प्रमुख वैद्यकीय अधिकारी डॉ.राम रावलानी, डॉ.सोनल कुलकर्णी, ऑर्किड हॉस्पिटलचे डॉ.परेश दोशी, डॉ.प्रीती दोशी, रुग्णालयाचे मुख्य कार्यकारी अधिकारी डॉ.पवन गोंधळीकर, डॉ.उदयसिंग पाटील यांच्यासह कर्मचारी उपस्थित होते.

संपादन- भूषण श्रीखंडे