Jalgaon Accident News : नशिराबादजवळ चालकाचा ताबा सुटल्याने रोडवरील खंब्याला कार आदळून झालेल्या अपघातात महिलेचा मृत्यू झाला. ही घटना २ डिसेंबरला दुपारी चारच्या सुमारास घडली.

या प्रकरणी सोमवारी (ता. ११) नशिराबाद पोलिस ठाण्यात कारचालकाविरोधात गुन्हा दाखल झाला.(Woman dies in car accident jalgaon news)

नशिराबादजवळील जय भोले हॉटेलसमोरील राष्ट्रीय महामार्गावरून २ डिसेंबरला दुपारी चाराल चालक रितेश कैलास पाटील (रा. पातोंडी ता. रावेर) कारने (एमएच १९ सीव्ही ७०३३) भुसावळकडे जात होता.

कारमध्ये सावित्रीबाई सुनील हंसकर (वय ४५, रा. रावेर), शीतल रामलाल भावसार (४१ रा. शांतिदूतनगर, रावेर) या दोघी बसल्या होत्या. चालकाचा कारवरील ताबा सुटून कार रस्त्यावरील खांबावर आदळली.

या अपघातात सावित्रीबाई हंसकर गंभीर जखमी होऊन त्यांचा उपचारादरम्यान मृत्यू झाला. कारचालक रितेश पाटील, शीतल भावसार जखमी झाले. शीतल भावसार यांच्या तक्रारीवरून नशिराबाद पोलिसांत कार चालकाविरुद्ध गुन्हा दाखल झाला. सहाय्यक फौजदार अलियार खान तपास करीत आहे.