जळगाव : तरसोद फाट्याजवळ महामार्गावरील (Highway) खडीच्या ढीगाऱ्यावर दुचाकी आदळून झालेल्या अपघातात दुचाकीवर मागे बसलेली महिला जागीच ठार झाली. (Woman killed after two wheeler hit gravel pile On highway near Phata jalgaon news)
ही घटना मंगळवारी (ता. १४) रात्री दहाला घडली. शिला हिरामण राठोड (वय ५१, रा. फॉरेस्ट कॉलनी, जळगाव) असे मृत महिलेचे नाव आहे.
शिला राठोड मंगळवारी (ता. १४) मुलगा तुषार हिरामण राठोड (वय २३) याच्यासोबत दुचाकीने खासगी कामानिमित्त भुसावळला गेल्या होत्या. काम आटोपून दोन्ही मायलेक जळगावला परतण्यासाठी दुचाकीने निघाले. तरसोद गावाजवळ महामार्गाचे काम सुरू आहे.
हेही वाचा : अल्पमतातील निवाडे आणि सामान्य माणूस
त्यामुळे आजूबाजूला खडी व मातीचे ढीग आहेत. राठोड यांची दुचाकी रात्री खडी व मातीच्या ढीगाऱ्यावर आदळली. त्यामुळे मायलेक फेकले गेले. शिला राठोड यांच्या डोक्याला गंभीर दुखापत झाल्याने त्यांचा जागीच मृत्यू झाला, तर तुषार राठोड याच्या डोक्याला गंभीर दुखापत झाली.
बुधवारी (ता. १५) सकाळी दहाला जिल्हा शासकीय वैद्यकीय महाविद्यालयात शवविच्छेदन करून मृतदेह कुटुंबीयांच्या ताब्यात देण्यात आला. नातेवाइकांची प्रचंड गर्दी झाली होती. याबाबत नशिराबाद पोलिस ठाण्यात आकस्मिक मृत्यूची नोंद झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.