Jalgaon Crime News : येथील बस स्थानकातून नंदुरबार बसमध्ये चढताना चोरट्याने महिलेच्या गळ्यातील १७ ग्रॅम वजनाची सोन्याची पोत चोरल्याची घटना गुरुवारी (ता. १६) दुपारी बाराच्या सुमारास घडली. (Women gold chain stolen from Amalner jalgaon crime news)

मानसी राकेश पाटील (रा. खवशी) या नंदुरबार येथे नातेवाईक मयत झाल्याने तेथे जाण्यासाठी आज सकाळी अकराला बस स्थानकावर आल्या.

बारा वाजता नंदुरबार बसमध्ये चढत असताना त्यांची ४२ हजाराची पोत अज्ञात चोराने चोरून नेली.

याबाबत मानसी पाटील यांनी दिलेल्या फिर्यादीवरून पोलिसात अज्ञात चोराविरुद्ध गुन्हा दाखल करण्यात आला आहे. हवालदार चंद्रकांत पाटील तपास करीत आहेत.