जळगाव : रस्त्याच्या परिस्थितीकडे दुर्लक्ष करून भरधाव वेगाने जाणाऱ्या बोलेरो पिकअप व्हॅनने दुचाकीला जोरदार धडक दिल्याची घटना घडली. अपघातास कारणीभूत वाहनचालकाविरुद्ध नशिराबाद पोलिसात गुन्हा दाखल झाला आहे.

जळगाव तालुक्यातील नशिराबाद येथील मोहिब्बुलहक मन्यार (वय ३९) हा तरुण त्याच्या दुचाकीने (एमएच १९ डीएक्स ६३८६) जात होता. यावेळी मागून भरधाव वेगाने येणाऱ्या पिकअप व्हॅनने महामार्गावरील महिंद्रा शोरुमजवळ दुचाकीस्वाराला जोरदार धडक दिली. या अपघातात दुचाकीस्वार गंभीर जखमी झाला असून त्याच्यावर उपचार सुरु आहे. याप्रकरणी जखमी मोहिब्बुलहक मन्यार यांच्या तक्रारीवरून नशिराबाद पोलिसात गुन्हा दाखल झाला आहे.