Jalgaon Accident News : राष्ट्रीय महामार्गावरील अपघातांची शृंखला कायम असून, शनिवारी (ता. १) तालुक्यातील पिंप्री अकाराऊत गावाजवळ दुचाकी दुभाजकावर आदळून झालेल्या अपघातात तरुण ठार झाला असून, दुसरा जखमी झाला आहे. (Youth killed after two wheeler hit divider jalgaon accident news)

तालुक्यातील पिंप्री अकाराऊत गावाजवळ राष्ट्रीय महामार्गावर दुचाकी (एमएच १९, डीएच २०४८) महामार्गाच्या दुभाजकावर आदळली. यात दुचाकीस्वार चेतन भिका भवर (वय २५, रा. पिंप्री अकाराऊत) हा जागीच ठार झाला, तर वैभव अनिल माळी (वय २२) हा जखमी झाला.

हेही वाचा : Credit Card फसवणूक....काय घ्याल काळजी?

अपघाताची माहिती मिळताच परिसरातील ग्रामस्थांनी अपघातस्थळी धाव घेतली. वैभव माळी यांना उपचारासाठी उपजिल्हा रुग्णालयात दाखल करण्यात आले आहे.

तर चेतन भवर यांच्या मृत्यूमुळे परिसरावर शोककळा पसरली आहे. शेवटचे वृत्त हाती आले तेव्हा या प्रकरणी मुक्ताईनगर पोलिस ठाण्यात गुन्हा दाखल करण्याचे काम सुरू होते.