Jalgaon Accident News : येथून सिहोरकडे (मध्य प्रदेश) निघालेल्या कारचे अचानक टायर फुटल्याने झालेल्या अपघातात तुकाराम वाडीतील २४ वर्षीय तरुण ठार झाला, तर कारचालकासह इतर पाच जण गंभीर जखमी झाले.

सूरज रामेश्वर जोमाळकर, असे मृत तरुणाचे नाव आहे. (Youth killed in car tire burst in Sendhwa 6 injured Jalgaon Accident News)

तुकारामवाडीतील सूरज जोमाळकर इतर पाच मित्रांसोबत शनिवारी (ता. १५) सकाळी सातच्या सुमारास कारने (एमएच १९, डीजे ७७७३) मध्य प्रदेशातील सिहोरला जाण्यासाठी निघाले. कारमध्ये चालकासह एकूण सात तरुण होते.

सायंकाळी सेंधवा गावाजवळून जात असताना, कारचे टायर फुटल्याने कार उलटली. या अपघातात सूरज जोमाळकर आणि त्याचा मित्र भावेश राक्षे (वय २१) व इतर सर्व गंभीर जखमी झाले.

हेही वाचा : Credit Card फसवणूक....काय घ्याल काळजी?

त्या सर्वांना जवळच्या एका हॉस्पिटमध्ये हलविण्यात आले. तेथे उपचारादरम्यान सूरज जोमाळकर याचा मृत्यू झाला. या अपघातामुळे काही वेळ महामार्गावरील वाहतूक खोळबंली होती.

मृत सूरज व जखमी झालेल्या तरुणांचे कुटुंब व नातेवाईक रात्री उशीरा सेंधव्याकडे पोचले. तेथे पोचल्यावर सेंधवा पोलिसांकडेकायदेशीर प्रक्रिया पूर्ण केली व मृतदेह ताब्यात घेतला.