Jalgaon News : शिरसोली (ता. जळगाव) येथील २३ वर्षीय तरुणाने राहत्या घरात गळफास घेऊन आत्महत्या केली. डिगंबर अरुण बारी-खलसे (वय २३, बापूनगर, शिरसोली प्र. बो.), असे मृत तरुणाचे नाव आहे. (Youth suicide In Shirsoli jalgaon news)

डिगंबर अरुण बारी-खलसे मंगळवारी दुपारी गावातच लग्न सोहळ्यात गेला होता. तेथून तो त्याच्या जुन्या घरी अस्वार वाड्यात गेला. तिथे खोलीचा दरवाजा बंद करून छताच्या कडीला दोरीने गळफास घेऊन त्याने आत्महत्या केली.

सायंकाळी त्याची आई मुलाचा शोध घेत जुन्या घरी धडकली. तेव्हा दरवाजा आतून बंद होता. आईने आवाज दिला, पण प्रतिसाद मिळेना. दरवाजाही उघडत नसल्याने त्याच्या आईने आरडाओरड करून शेजाऱ्यांना बोलावले.

हेही वाचा : Credit Card फसवणूक....काय घ्याल काळजी?

तरुणांनी घराचे दार तोडल्यावर डिगंबर छताला दोरी बांधून गळफास घेतलेल्या अवस्थेत आढळला.

तत्काळ त्याला खाली उतरवून शासकीय रुग्णालयात नेले. तिथे वैद्यकीय अधिकारी डॉ. चंदन महाजन यांनी तपासणी अंती त्यास मृत घोषित केले. याबाबत एमआयडीसी पोलिस ठाण्यात आकस्मिक मृत्यूची नोंद झाली आहे. आत्महत्येचे कारण कळू शकले नाही. डिगंबर याच्या पश्चात लहान भाऊ, दोन विवाहित बहिणी, आई-वडिल असा परिवार आहे.