आळंदी - औद्योगिक भागात; तसेच एखाद्या बांधकामाच्या साइटवर कंटेनर अनेकदा आपण पाहतो. अशा कंटेनरमध्ये वाचनालय ही कल्पनाच आपण करू शकत नाही. मात्र कंटेनरमध्ये वाचनालय उभारण्याची किमया केली आहे आळंदीजवळील कोयाळी गावात ‘स्नेहवन’ या सामाजिक संस्थेने. संस्थेद्वारे संगोपन होत असलेल्या मुलांसाठी हे ‘कंटेनरमधील ग्रंथालय’ खुले केल्याची माहिती ‘स्नेहवन’चे संस्थापक अशोक देशमाने यांनी दिली.
आळंदीपासून दहा ते अकरा किलोमीटरवरील कोयाळी गावात स्नेहवन संस्था आहे. विदर्भ, मराठवाड्यातील आत्महत्याग्रस्त शेतकऱ्यांची; तसेच दुष्काळी भागातील शेतकऱ्यांची ५० मुले या संस्थेत आहेत. त्यांचे शिक्षण, निवास, भोजनाचा खर्च संस्थेमार्फत केला जातो. याशिवाय परिसरातील ३० मुलींना संस्थेने शिक्षणासाठी दत्तक घेतले आहे.
अकरावीपर्यंतची मुले या संस्थेत असून, त्यांना शिक्षणात वेगळेपणा वाटावा आणि वाचनाची आवड निर्माण व्हावी, यासाठी संस्थेच्या वतीने ग्रंथालय उभारण्यात आले
आहे. अमेरिकेतील ‘बुकवाला’ संस्थेच्या मुख्य कार्यकारी अधिकारी सीना जेकब यांनी संस्थेच्या माध्यमातून इंग्रजीतील विविध पुस्तके या ग्रंथालयासाठी भेट दिली आहेत. कंटेनरमधील ग्रंथालय हा प्रयोग देशात प्रथमच राबविला असल्याचे श्री. देशमाने यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.