रत्नागिरी : बंदी कालावधीतील बेकायदेशीर मासेमारी (Illegal fishing) रोखण्यासाठी येथील सहाय्यक मत्स्य आयुक्त कार्यालयाने नामी शक्कल लढविली आहे. सध्या सर्व मासेमारी नौका बंदर (Fishing boat beach)आणि जेटीवर उभ्या आहेत. या नौकांची नावे आणि नंबर घेऊन ते कार्यालयातील विविध परवान्यांच्या नोंदींमध्ये तपासले जाणार आहे. ज्या नौकांचे नाव आणि नंबर नोंदी नसतील, अशा नौकांना शोध घेऊन कारवाई केली जाणार आहे. सहाय्यक मत्स्य व्यवसाय आयुक्त एन. व्ही. भादुले यांनी तसे आदेश सर्व परवाना अधिकार्‍यांना दिले आहेत. त्याची कार्यवाही सुरू झाली असून बंदर आणि जेटींवरील नौकांची नावे आणि नंबर संकलित करण्याचे काम सुरू झाले आहे. assistant-fisheries-commissioner-illegal-fishing-during-the-ban-period-konkan-fishing-kokan-news

बेकायदेशीर मासेमारीला आळा घालण्यासाठी मत्स्य विभागाने अनेक प्रयत्न केले; मात्र त्याला अपयश आले. हा विभाग गस्ती नौका नसल्याने काहीसा कमकुवत बनला आहे. या विभागाचा डोळा चुकवून बंदी कालावधीमध्ये मासेमारी केली जाते. हे रोखण्यासाठी सहाय्यक मत्स्य आयुक्त कार्यालयाने नवी युक्ती केली आहे. बंदरात उभ्या असलेल्या नौकांचे नाव आणि नंबर घेण्याची शक्कल लढवली आहे. या नाव आणि नंबरातील नौकांच्या नोंदी मत्स्य व्यवसाय विभागाच्या दफ्तरी नसतील त्या नौका अवैध आहेत, हे स्पष्ट होणार आहे.

हेही वाचा- वाहनांच्या नंबरचीही चोरी; गुन्हा एकाचा, मनस्ताप दुसऱ्याला

सहाय्यक मत्स्य व्यवसाय विभागाच्या या नियोजनानुसार ज्या नौका अनधिकृत आढळून येणार आहेत, त्यांची माहिती मच्छीमार सहाकारी संस्थांना कळवण्यात येणार आहे. काही बेकायदेशीर नौकादेखील संस्थांच्या सदस्य असण्याची शक्यता आहे. त्या नौकांना सवलतीचे इंधन दिले जाऊ नये, असे मत्स्य व्यवसाय विभागाकडून कळवले जाणार आहे. ज्या संस्थांनी कोणत्याही अनधिकृत किंवा बेकायदेशीर नौकांना सलवतीचे डिझेल पुरविले असेल आणि त्याचा परतावा घेतला असेल तर त्या नौका मालकाला राहिलेला आणि पुढचा डिझेल परतावा दिला जाणार नाही. तशी नोटीस बजावली जाणार आहे. ज्या अनधिकृत नौका मालकांनी डिझेल परतावा यापूर्वी स्वीकारला आहे तो परत घेण्याबाबतची कारवाई केली जाणार आहे.

याची होणार पडताळणी

कोणत्याही अधिकृत मासेमारी नौकेची नोंदणी केलेली असते, त्याचा परवाना असतो. ज्या मासेमारी पद्धतीचा परवाना असतो त्याच जाळ्याने किंवा साधनांनी मासेमारी करता येते. नमुना ५ हे बंदर नोंदणीपत्र आवश्यक असते. नौकेचा विमा काढणे बंधनकारकर असते. नौकांवरील खलाशी, तांडेल यांची माहिती आवश्यक असते. या माहितीबरोबर त्या नौकांवरील खलाशी आणि तांडेलांचे ओळखपत्रसुद्धा असावे लागते. या सर्व प्रकारच्या नोंदी सहाय्यक मत्स्य व्यवसाय विभागाकडे कराव्या लागतात. त्यानुसार सहाय्यक मत्स्य व्यवसाय विभागाकडून मासेमारीची परवानगी दिली जाते. याच सर्व नोंदी, बंदर आणि जेटींवर उभ्या असलेल्या नौकांचे नाव आणि नंबरची पडताळणी केली जाणार आहे, असे भादुले यांनी स्पष्ट केले