रत्नागिरी जिल्ह्यातील गणपतीपुळे येथील समुद्र किनाऱ्यावर एक व्हेल माशाचं पिल्लू वाहून आल्याचा प्रकार समोर आला. जीवंत राहण्याची या पिल्लाची धडपड मागील सुमारे दोन दिवसांपासून सुरू होती. समुद्रातील ओहोटीमुळे हे पिल्लू समुद्र किनाऱ्यावरील वाळूत रुतून बसलं होतं.
अखेर त्याला वाचवण्यासाठी स्थानिक नागरिक आणि प्रशासनाच्या अधिकाऱ्यांनी केलेल्या शर्थीच्या प्रयत्नांना यश आलं. अखेर जवळपास दोन दिवसांच्या मेहनतीनंतर या व्हेल माशाच्या पिल्लाला समुद्रात सोडण्यात यश आलं आहे. समुद्र किनाऱ्यापासून अंदाजे चार ते पाच किमी आत या पिलाला सोडण्यात आले. समुद्रातील ओहोटीमुळे हे व्हेल माशाचं पिल्लू समूद्राच्या किनाऱ्यावर अडकून पडलं होतं.
या माशाचे व्हिडीओ देखील सोशल मीडियावर व्हायरल झाले. त्यामुळे व्हेल माशाचं पिल्लू पाहण्यासाठी पर्यटक आणि स्थानिकांनी येथे मोठी गर्दी केली होती. या दरम्यान पिल्लाला समुद्रात सुखरूप सोडण्यासाठी किनाऱ्यावर आलेले पर्यटक, स्थानिक नागरिक तसेच एक्सपर्ट, एमटीडीसीचे अधिकारी, वनविभागाचे अधिकारी यांच्या मदतीने प्रयत्न केले जात होते.
महत्वाचे म्हणजे या व्हेल माशाच्या पिल्लाचं वजन सुमारे ४ ते सहा टनापर्यंत आणि लांबी २० फूट होती. समुद्राला ओहोटी असल्यामुळे या पिल्लाला समुद्रात सोडण्यात काही अडचणी येत होत्या. अखेर या पिल्लाला एका बोटीतून दोर टाकून खोल समुद्रात सोडण्यात आलं. हे पिल्लू किनाऱ्यावर आल्यापासून त्याची जगण्यासाठी धडपड सुरू होती. अखेर ते त्याच्या मुळ अधिवासात परतल्याने सर्वांनी सुटकेचा निश्वास टाकला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.