हर्णै रत्नागिरी : दापोली तालुक्‍यातील सालदूरे मुरुड समुद्रकिनारी बुधवारी (ता. २२) सकाळी ग्रामस्थांना ब्लू व्हेल जातीचा मासा मृतावस्थेत आढळून आला.

ब्लू व्हेल पाहण्यासाठी नागरिकांनी समुद्रकिनारी मोठ्या प्रमाणात गर्दी केली होती. साधारण ५७ फूट लांबीचा हा मासा असून याचा सुमारे पंधरा दिवसांपूर्वी समुद्रात मृत्यू झाला असावा, अशी माहिती प्राणी तज्ज्ञ अभिनय केळस्कर यांनी दिली.

हेही वाचा- फडातला संसार फडातच झाला खाक

५७ फूट लांबीचा असा मासा

मोठ्या गलबताला आपटून किंवा समुद्र प्रदूषणामुळे अथवा आपल्या कुटुंबापासून दूर राहिल्यामुळे अशा माशांचा मृत्यू ओढवतो, अशी माहिती त्यांनी दिली. सालदुरे मुरुडच्या समुद्रकिनारी या महाकाय माशाला वाळूमध्ये मोठा खड्डा काढून पुरण्यात आले. काही वर्षांपूर्वी कर्दे गावाच्या समुद्रकिनारी सुमारे ५०० किलो वजनाचा व्हेल मासा मृतावस्थेत आढळून आला होता.