सावंतवाडी (सिंधुदुर्ग) : भाजपाच्या सावंतवाडी शहर मंडळ अध्यक्ष अॅड सिद्धार्थ भांबुरे यांनी आपल्या पदाचा राजीनामा जिल्हाध्यक्ष राजन तेली यांच्याकडे सुपूर्त केला आहे. श्री भांबुरे यांनी तडकाफडकी दिलेल्या राजीनाम्यामुळे भाजपाच्या गोटात खळबळ उडाली आहे.
भाजपाने अलीकडेच पक्षात काही बदल करताना पक्षाचे काम तळागाळापर्यंत पोहोचण्यासाठी प्रत्येक तालुक्यात तालुकाध्यक्षाची जबाबदारी वाटून देताना मंडळ निर्माण करण्यात आली होती. सावंतवाडी तालुक्याचा विस्तार लक्षात घेताच या ठिकाणी एकूण तीन मंडळे स्थापन करण्यात आले होते. त्यानुसार तीन तालुकाध्यक्ष निवडण्यात आले होते. यामध्ये सावंतवाडी शहर मंडळ अध्यक्षपदी अॅड सिद्धार्थ भांबुरे यांची निवड झाली होती.
पक्षात उडाली खळबळ
एकूणच या निवडीनंतर पक्षाचे काम चांगल्या पद्धतीने सुरू असताना अचानक रविवारी श्री भांबुरे यांनी आपल्या पदाचा व पक्ष सदस्यत्वाचा राजीनामा दिल्याने पक्षात खळबळ उडाली आहे.
कार्यकर्त्यांमधून अनेक तर्कवितर्क
श्री भांबुरे याने दिलेल्या राजीनाम्या मध्ये मला पक्षसंघटना करता आवश्यक वेळ देणे कठीण असल्याने व काही अपरिहार्य कारणास्तव पदाचा कार्यभार करणे शक्य नसल्याने आपण राजीनामा देत असल्याचे म्हटले आहे. श्री भांबुरे यांच्या राजीनाम्यामुळे कार्यकर्त्यांमधून अनेक तर्कवितर्क उपस्थित केले जात आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.