रत्नागिरी : जिल्हा रुग्णालयात कोरोना संशयित म्हणून दाखल असलेल्या तिघा रुग्णांचे कोरोना अहवाल निगेटिव्ह आले आहेत. अद्याप 80 जणांच्या अहवालाची प्रतीक्षा आहे. साखरतर मधील दोन डॉक्टर्सचे कोरोना अहवाल गुरुवारी रात्री येण्याची शक्यता असल्याचे जिल्हा शल्य चिकित्सक डॉ. अशोक बोल्डे यांनी सांगितले.
जिल्ह्यात कोरोना संशयितांची संख्या वाढत आहे. कोरोना बाधित रुग्णांच्या सहवासात आलेल्यांना जिल्हा रुग्णालयात आणून त्यांची कोरोना चाचणी करण्यात येत आहे. जिल्हा रुग्णालयात सध्या 56 कोरोना संशयित उपचार घेत आहे. जिल्हा रुग्णालयातील तज्ञ वैद्यकीय अधिकारी कोरोना संशयित रुग्णांवर उपचार करीत आहेत.
जिल्हा रुग्णालयात संशयित म्हणून दाखल असलेल्या रुग्णांचे स्वॅबचे नमुने घेऊन ते तपासणीसाठी मिरज येथे पाठवले जात आहेत. मिरज येथून तपासणी अहवाल दोन दिवसात जिल्हा रुग्णालयाकडे प्राप्त होत आहे. नुकतेच तीन अहवाल मिरज येथून प्राप्त झाले असून या तिन्ही जणांचे कोरोना अहवाल निगेटिव्ह असल्याचे निष्पन्न झाले आहे.
सद्यस्थितीत जिल्हा रुग्णालयात 56 कोरोना संशयितांवर उपचार सुरू आहेत. या 56 संशयित रुगणांपैकी 19 संशयित एकट्या साखरतर मधील आहेत. याशिवाय कळम्बणी 17, दापोली 4, गुहागर 2, संगमेश्वर 3 अशा जिल्ह्यातील 82 जणांवर उपचार सुरू आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.