रत्नागिरी: तालुक्यातील ढोकमळे (Dhokmale Zoo Project) (आरे-वारे जवळ) येथे 20 एकर जागेत उभारण्यात येणार्‍या प्राणी संग्रहालयाचा प्रस्ताव सेंट्रल झू अ‍ॅथॉरिटीला (Central Zoo Authority) 1 जुलैपर्यंत पाठविण्यात येणार आहे. संग्रहालयात वेगवेगळ्या प्रकारचे 45 प्राणी असणार आहेत. कोरोनामुळे (Covid 19) जमीन मोजणी लांबली होती. आता लगतच्या 188 हिस्सेदारांना नोटीस पाठवून 15 जूनपर्यंत जागेची मोजणी करून लवकरच संग्रहालयाच्या कामाला गती देण्याचा निर्णय घेतला, अशी माहिती उच्च व तंत्रशिक्षमंत्री उदय सामंत (Higher and Technical Education Minister Uday Samant)यांनी दिली.(dhokmale-zoo-project-submit-on-government-authority-information-by-uday-samant-kokan-news)

हेही वाचा -कोकणवासीयांसाठी गुड न्यूज; आता मुंबईकला धावणार एसटी; रेश्‍मा मधाळेंची माहिती

सामंत यांनी प्राणी संग्रहालयाबाबत दुरदृश्य प्रणालीद्वारे आज बैठक घेतली. त्यानंतर त्यांनी ही माहिती दिली. या बैठकीला उप वनसंरक्षक क्लेमेट बेन, भूमी अभिलेखचे जिल्हा अधीक्षक मगर, विभागीय वन अधिकारी खाडे, निवासी उपजिल्हाधिकारी दत्तात्रय भडकवाड, वास्तुविशारद व संबंधित अधिकारी उपस्थित होते.

सामंत म्हणाले, कोरोना महामारीमुळे तालुक्यातील काही महत्त्वाच्या प्रकल्पांचे काम मागे पडले होते. त्याला चालना मिळावी, यासाठी आम्ही आज झूम मिटिंग घेतली. यामध्ये तालुक्यातील ढोकमळे येथे होणार्‍या प्राणी संग्रहालयाच्या महत्त्वाकांक्षी प्रकल्पावर चर्चा झाली. प्राणी संग्रहालयाचा सेंट्रल झु अ‍ॅथॉरिटीला 1 जुलैपर्यंत प्रस्ताव वाठविण्याचे निश्‍चित झाले. जागेची 15 जूनपर्यंत पार्टली मोजणी पूर्ण करण्याचा निर्णय झाला.