रत्नागिरी : महाराष्ट्र दिनाच्या पूर्वसंध्येला राज्यभरात उत्कृष्ट काम करणाऱ्या पोलिस अधिकारी व कर्मचाऱ्यांना महासंचालक संजय पांडे यांनी बोधचिन्ह, सन्मानचिन्ह व प्रशस्तिपत्रक जाहीर केले. राज्यातील 799 कर्मचाऱ्यांना हा सन्मान प्राप्त झाला असून रत्नागिरी जिल्ह्यात 24 कर्मचाऱ्यांचा यात समावेश आहे. कोरोनाच्या कालावधीतही उत्कृष्ट तपासासह चांगली सेवा बजावणाऱ्या कर्मचाऱ्यांचा समावेश यात आहे.

हेही वाचा- देवा, मम्मी पप्पांना कुठे शोधू! दोन चिमुकल्यांची केविलवाणी साद

रत्नागिरीतील सहायक पोलिस उपनिरीक्षक सुभाष महादेव माने, प्रकाश बळीराम शिंदे, संजय तुकाराम उकार्डे, नाना कृष्णा शिवगण, मिलिंद भिकाजी चव्हाण, पोलिस हवालदार सचिन धनाजी साळवी, प्रकाश सीताराम मोरे, प्रशांत पांडुरंग मसुरकर, जितेंद्र शंकर कदम, महेश अरविंद कुबडे, प्रफुल्ल गजानन तारये, सचिन सुरेश भुजबळराव, विनोद बाबूराव भितळे, अजय रामचंद्र शिंदे, नितीन गोपाळ कुड, संजय हनुमंत मुठगर, मोहन रामचंद्र कांबळे, संदीप मोहन महाडिक, नितीन प्रभाकर डोमणे, विजय देवजी मावळकर, प्रशांत प्रभाकर बोरकर, पोलिस नाईक संदीप श्रीपत मालप, श्रीमती पूनम भरत वाडकर यांना पंधरा वर्षापेक्षा अधिक वर्ष उत्कृष्ट काम केल्याबद्दल, तर रोहन शेखर गमरे यांना राज्यपातळीवरील उत्कृष्ट खेळाडू म्हणून सन्मान प्राप्त झाला आहे. पोलिस अधीक्षक मोहितकुमार गर्ग यांनी या सर्वांचे अभिनंदन केले.

Edited By- Archana Banage