ओरोस: सिंधुदुर्ग जिल्ह्यात भूकंपाचा धक्का नोंदवला गेला. तिलारी भूकंप क्षेत्रात मध्यरात्री ३.७ रिश्टर स्केल भूकंपाच्या धक्क्याची नोंद झाली आहे. मध्यरात्री २ वाजून ३४ मिनिटांची धक्का नोंद झाला; मात्र भूकंपाचे धक्के तिलारी क्षेत्रात जाणवलेले नाहीत, अशी माहिती तिलारी भूकंप वेधशाळा कोनाळकट्टाचे अधिकारी त्रंबे यांनी दिली.
रविवारी (ता.१३) मध्यरात्री राज्यातील काही भागांत भूकंपाचे धक्के जाणवले. कोकण पट्ट्यातील देवरुख भागात सुद्धा भूकंपाचे धक्के जाणवले आहेत. त्याप्रमाणे सिंधुदुर्ग जिल्ह्यातील दोडामार्ग येथील आंतरराज्य असलेल्या तिलारी धरण क्षेत्रात सुद्धा भूकंप झाल्याची नोंद झाली आहे. याची तीव्रता ३.७ रिश्टर स्केल एवढा कमी असल्याने तो तिलारी क्षेत्रात जाणवला नाही. याबाबत तिलारी भूकंप वेधशाळा कोनाळकट्टाचे अधिकारी त्रंबे यांना विचारले असता, भूकंपाचा धक्का बसल्याची नोंद झाली आहे; मात्र, भूकंपाचे धक्के जाणवले नाहीत, असे सांगितले.
तिलारीसारख्या पाणलोट क्षेत्रात भूकंपाचे धक्के जाणवू लागल्याने भीतीचे वातावरण निर्माण झाले.
कमी तीव्रतेचा भूकंप धक्का असल्याने नुकसानीची शक्यता नाही. हा भूकंप जाणवला नाही; परंतु तिलारीसारख्या पाणलोट क्षेत्रात भूकंपाचे धक्के जाणवू लागल्याने भीतीचे वातावरण निर्माण झाले. तिलारीबरोबरच कोकण पट्ट्यातील अन्य भागात भूकंपाची नोंद झाली आहे. त्यामुळे पूर्ण कोकणपट्टा भूकंपाच्या छोट्या धक्क्याने जागृत झाला आहे.
चांदोलीतही धक्का
शिराळा (जि. सांगली) : चांदोली धरण व परिसरात सोमवारी (ता.१५) पहाटे दोन वाजून ३६ मिनिटांनी ३.२ रिश्टर स्केलचा सौम्य भूकंपाचा धक्का जाणवल्याची माहिती वारणा पाटबंधारे विभागाचे शाखाधिकारी टी. एस. धामणकर यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.