साडवली: कोरोनाचे नियम पाळत संगमेश्वर तालुक्यात गणेशोत्सवाला दहा तारखेला उत्साहात प्रारंभ झाला. मिरवणुक न काढता साधेपणाने घरोघरी गणरायांचे आगमन झाले. शुक्रवारी गणरायांची सेवा करून शनिवारी (ता. ११) दुपारनंतर दीड दिवसांच्या गणरायांचे विसर्जन करण्यात आले. संगमेश्वर तालुक्यातील ८०० गणेशमूर्तींचे विसर्जन करण्यात आले.
संगमेश्वर तालुक्यात २५ हजार ७८६ घरगुती तर ८ सार्वजनिक गणेशमूर्तींचे आगमन झाले. पावसाचा जोर असूनही भाविकांचा उत्साह दांडगा होता. शुक्रवारी गणोशोत्सवाला प्रारंभ झाला. दीड दिवसांच्या गणेशोत्सवातील ८०० गणेशमूर्तींचे शनिवारी विसर्जन झाले. या वेळी देवरूख नगरपंचायतीने नदीघाटावर आपत्कालीन यंत्रणा तत्पर ठेवली होती. देवरूख, संगमेश्वर पोलिसांनी चोख बंदोबस्त ठेवला होता.
एसटीने चाकरमान्यांच्या सेवेसाठी जादा बसेसचे नियोजन केले होते. बाजारपेठेतून खरेदीसाठी गर्दी झाली होती. गणेशभक्तांना पावसाचा व खड्डेमय रस्त्यांचा जादा त्रास झाला. यंदा कोरोनामुळे मिरवणूका काढणे व गर्दी यासाठी बंदी असल्याने ढोल, ताशांचा गजर ऐकू आला नाही. घरोघरी आरत्यांचे स्वर ऐकू येत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.