साडवली : देवरुखची ग्रामदेवता श्री देवी सोळजाई मंदिर देवस्थानचा नवरात्रोत्सव यंदा कोरोनामूळे सूनासुना होणार आहे. नवरात्रोत्सवाची साडेतीनशे वर्षाची परंपरा यंदा प्रथमच खंडित होणार आहे. नवरात्रोत्सव काळात मंदिर बंद राहणार असल्यामुळे अनेकांना केवळ कळसाचे दर्शन घेऊन समाधान मानावे लागणार आहे. 

हेही वाचा - शाळेच्या अशा अवस्थेत विद्यार्थ्यांनी बसायचे कुठे ? -

देवी सोळजाई देवीचा नवरात्रोत्सव 17 घटस्थापनेपासून शनिवार 24 रोजीपर्यंत होणार आहे. यावेळी फक्त प्रहर नियोजन करण्यात आले आहे. देवरूख शहरातील वाडीवाडीतील ठराविक 4 ते 5 लोक प्रहरासाठी मंदिरात उपस्थित राहणार आहेत, यासंबधी नियोजन करण्यात आले आहे. भाविकांसाठी मंदिर बंद राहणार आहे. त्यामुळे विशेष करून महिला वर्गासाठी देवीची ओटी भरणे यंदा शक्य होणार नाही. 

हेही वाचा -  ब्युटी पार्लरवरून राजकीय पुढारी पती-पत्नीमध्ये चांगलीच जुंपली ; भर बाजारपेठेत मारहाण -

नवरात्रोत्सवात सोळजाई ग्रामदेवता मंदिर गजबजलेले असते. भाविकांची गर्दी आणि होणारे कार्यक्रम यांची रेलचेल असते. यंदा मात्र कोरोनामूळे कुघेच कार्यक्रम होणार नसल्याने भजनी, जाखडी व नमन कलाकारांसह सांस्कृतिक कार्यक्रमातील कलाकार यांना कला सादर करता येणार नाही. त्यामुळे ते सर्व कलाकारांतून नाराजीचा सुर उमटत आहे. शासन निर्णयाप्रमाणे देवस्थान योग्य ते नियोजन करत आहे. त्यामुळे नागरिकांनी देवस्थानला  सहकार्य करावे असे आवाहन अध्यक्ष बापू गांधी यांनी केले आहे. परिणामी यंदा नवरात्रीचे नउ रंग कोरोनामुळे फिके पडणार आहेत. 

संपादन - स्नेहल कदम