रत्नागिरी : मंगळवारी सकाळी  16 जणांचे तपासणी अहवाल कोल्हापूर येथून  प्राप्त झाले असून यातील 5 जणांचे अहवाल कोरोना पॉझिटिव्ह आले आहेत. त्यात दापोलीतील तिघांचा तर दोन गुहागर येथील आहेत.अकरा अहवाल निगेटिव्ह आले आहेत. यामुळे जिल्हयातील पॉझिटिव्ह रुग्णांची संख्या आता 52  झाली आहे.

हेही वाचा- मोठ्या खर्चाला छेद : त्यांनी घेतला हा निर्णय़ अन् असा केला विवाह....

दापोली तालुक्यात आज तीन जणांचा कोरोनाबधित असल्याचा अहवाल आला असून तालुक्यातील कोरोनाबधित रुग्णांची संख्या आता 8 वर पोचली आहे. 3 मे रोजी दापोली येथे मुंबई येथून आलेल्यांचे शहरातील नवभारत छात्रालयात संस्थात्मक विलगिकरण करण्यात आले होते. या सर्वांचे स्वँबचे नमुने घेण्यात आले होते. ते मिरज येथे तपासणीसाठी पाठविण्यात आले होते . आज त्याचा अहवाल पॅाझिटीव्ह आला असून त्यातील तीन जण कोरोना बाधीत आहेत. अहवाल येण्याअगोदरच काल तालुका प्रशासनाने सर्वाना त्यांच्या गावी पाठविले होते .त्यांची  गावातील समितीने व्यवस्था करावयाची आहे.

हेही वाचा- कोरोनाचे लढवय्ये ते दोघे ; एकीकडे कर्तव्य आणि दुसरीकडे कुटुंब देता येत नाही चिमुकलीला वेळ....

कोरोनाबधित झालेल्यांचे मूळ गाव व वय पुढील प्रमाणे :
  कोळबांद्रे (वय 48), कळकी ( वय 26), भोपण (वय 24) आहे, हे तिघे कालच गावी गेले असून त्यांचे गावातील शाळेत अलगिकरण करण्यात आले.  हा अहवाल आल्यावर आज त्यांना दापोलीच्या उपजिल्हा रुग्णालयात आणण्यात आले . तेथेच त्यांच्यावर पुढील उपचार करण्यात येणार आहेत.