दाभोळ (रत्नागिरी) : दापोली नगरपंचायत क्षेत्रात नगरपंचायतीच्या माध्यमातून बेकायदेशीर कामे व बेकायदेशीर ठराव करून शहरातील वातावरण बिघडविण्याचे काम दापोली नगरपंचायतीचे मुख्याधिकारी करीत आहेत. त्यांच्यावर कारवाई करावी. अन्यथा, २८ सप्टेंबरपासून सर्व दापोलीकर तीव्र आंदोलन करतील, असा इशारा दापोलीचे माजी आमदार संजय कदम यांनी दापोलीचे उपविभागीय अधिकारी शरद पवार यांना निवेदनाद्वारे दिला.
दापोली नगरपंचायतीच्या कारभाराबाबत राष्ट्रवादी, मनसे व शिवसेनेचा दळवी गट आक्रमक झाला असून, आज मुख्याधिकाऱ्यांच्या कारभाराबाबत एक निवेदन दापोलीचे उपविभागीय अधिकारी शरद पवार यांना दिले. या निवेदनात दापोली नगरपंचायतीचे अभियंता सुनील सावके यांना नगरपंचायतीमध्ये अपहार केल्याप्रकरणी तत्कालीन जिल्हाधिकाऱ्यांच्या आदेशावरून बडतर्फ केले होते.
मात्र, मुख्याधिकारी महादेव रोडगे यांनी सत्ताधारी सदस्यांना हाताशी धरून सावके यांना संख्याबळाच्या जोरावर नगरपंचायतीच्या सभेत ठराव करून पुन्हा कामावर हजर करून घेतले. दापोली शहरामध्ये नगरपंचायतीच्या मालकीची डंपिंग ग्राउंडसाठी सहा एकर जागा असताना व डीपी प्लॅनमध्ये डंपिंग ग्राउंडकडे जाण्यासाठी प्रस्तावित रस्ता असताना त्याकडे दुर्लक्ष करून प्रशासनाची तिजोरी रिकामी असतानाही सत्ताधारी व मुख्याधिकारी यांनी करोडो रुपयांची जागा खरेदीचा ठराव काल (ता. २१) झालेल्या सभेत मंजूर केला.
पथविक्रेता धोरण राबविताना जिल्हाधिकाऱ्यांच्या मालकी असलेल्या जमिनीत त्यांची परवानगी न घेता बेकायदेशीर खोके उभारले आहेत. त्यांच्याकडून बेकायदेशीरपणे पैसे जमा केले जात आहेत. त्यामुळे मुख्याधिकारी महादेव रोडगे यांच्याविरोधात या प्रकरणामध्ये कारवाई न झाल्यास २८ सप्टेंबरपासून दापोलीकर तीव्र आंदोलन करतील, असा इशारा दिला आहे. दापोलीचे माजी आमदार संजय कदम, राष्ट्रवादीचे नगरसेवक सचिन जाधव, रवींद्र क्षीरसागर, खालिद रखांगे, नम्रता शिगवण, मनविसेचे जिल्हाध्यक्ष सचिन गायकवाड, मनसेचे शहराध्यक्ष राकेश माळी, साईराज देसाई, राष्ट्रवादीचे शहराध्यक्ष नितीन मयेकर, मंगेश शिंदे, ऋषीकेश गुजर यांच्यासह अन्य निवेदन देताना उपस्थित होते.
काय आहेत आरोप..?
दोषी अभियंत्यांना कामावर हजर करून घेतले
करोडो रुपयांची जागा खरेदीचा ठराव केला मंजूर
विनापरवानगी बेकायदा खोके उभारले, पैसे घेतले
संपादन - अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.