हर्णे (रत्नागिरी) : कोरोनाच्या धास्तीने गेले महिनाभर बंद राहिलेली मासेमारी  सुरु झाली आहे. मोठमोठया मस्यकंपन्यांना मासळीचा पुरवठा करण्याकरिता मासळी खरेदी सुरू झाली असल्याने कंपन्यांना सप्लाय करणाऱ्या हर्णे बंदरातील मच्छि व्यापाऱ्यांचे सेंटर गजबजले आहेत.

हेही वाचा- हळदी पाठोपाठ याच्याही ऑनलाईन सौद्यांची मागणी -

हर्णै बंदरातील मासेमारी लॉकडाऊन कालावधीत सुरुवातीपासूनच पूर्ण बंद ठेवण्यात आली होती. मात्र जून, जुलै या दोन महिन्यात पावसाळी मासेमारी बंदी कालावधीचा विचार करून केंद्रशासनाने मासेमारीला लॉकडाऊन मधून नियम व अटी नुसार सवलत दिली आहे. मात्र अनेक नौकांचे खलाशी गावी गेले आहेत व कोरोनाच्या धास्तीने बहुतांशी नौकामालकांनी नौका बंद ठेवल्या आहेत.  काही ठराविक नौकांनी मासेमारी सुरु केली असून सध्या हा माल फक्त मस्यकंपन्यांनाच जात आहे.

हेही वाचा- ब्रेकिंग- दापोलीत कोरोनाचा शिरकाव; 65 वर्षीय महिलेला लागण

अनेक मच्छि कंपन्यांचे हर्णे बंदरातील व्यापारी येथे सेंटर वर मासळी खरेदी करून घेत आहेत. त्यामुळे मच्छीमाराना दिलासा मिळाला असून हर्णै बंदरातील मच्छिची सेंटर गजबजलेली दिसत आहेत. हर्णै मधून रोजच मच्छिच्या गाड्या कंपन्यांना माल घेऊन जिल्ह्याबाहेर जात आहेत. मात्र कोरोनाचा सहज होणारा संसर्ग या पार्श्वभूमीवर प्रत्येक सेंटरमालकांनी सोशल डिस्टनसिंगची काटेकोरपणे अंमलबजावणी करावी अशी अपेक्षा ग्रामस्थ व्यक्त करत आहेत.