कणकवली : भारतीय रेल्वे विभागाने तिकीट आरक्षणाच्या नियमांमध्ये मोठा बदल केला आहे. आता प्रवाशांसाठी रेल्वेने खास सुविधा उपलब्ध केली असून रेल्वे गाडी स्थानकातून निघण्यापुर्वी पाच मिनिटे अगोदर तिकीट बुकिंग करता येईल किंवा तिकीट रद्दही करता येणार आहे. हा नियम 10 ऑक्‍टोबर पासून लागू होत आहे. 

हेही वाचा- Good News : लवकरच ग्रंथालये होणार सुरू -

रेल्वेचे तिकीट बुकिंगचा दुसरा चार्ट रेल्वेस्थानकात लावला जाणार आहे. स्थानकातून गाडी रवाना होण्यापूर्वी 30 मिनिटे अगोदर हा चार्ट लावला जाईल. भारतीय रेल्वेने प्रत्येक स्थानकांमध्ये रेल्वेच्या ठरलेल्या रवाना होण्याच्या वेळी पूर्वी अर्धा तास अगोदर दुसरा बुकिंग चार्ट तयार करण्याची प्रणाली विकसित केली आहे. यापूर्वी कोरोना महामारी मुळे हा कालावधी रेल्वे निघण्याच्या अगोदर दोन तास निश्‍चित करण्यात आला होता. दोन तास पूर्वी चार्ट प्रसिद्ध केला जात होता. तत्पूर्वीचा कालावधी हा चार तास अगोदर चार्ट प्रसिद्ध करण्याबाबतचा होता. आता मात्र रेल्वे निघण्यापूर्वी अर्धा तास चार्ट रेल्वे स्थानकावर प्रसिद्ध केला जाणार आहे.  

 संपादन - अर्चना बनगे