Sindhudurg Bank Election Updates: कणकवली जिल्हा बँकेचे अध्यक्ष सतीश सावंत (Satisha Savant)आणि जिल्हा परिषदेच्या अध्यक्षा संजना सावंत (Ranjana Savant) यांच्यात मतदान केंद्रावर शाब्दिक बाचाबाची झाली आहे. पोलिसांनी हा वाद मात्र तातडीने मिटवला आहे. मतदान केंद्राच्या आत सतीश सावंताच्या मोबाईलवर रिंग वाजली त्यामुळे संजना सावंत या संतप्त झाल्या. त्यांनी पोलिसांना याचा जाब विचारण्याचा प्रयत्न केला.

मतदान केंद्रातील तहसील कार्यालयात हा प्रकार घडला. सकाळी अकराच्या सुमारास ही शाब्दिक बाचाबाची झाली. त्यानंतर पोलिसांनी बंदोबस्त ठेवला असून, मतदान केंद्रांमध्ये मतदारांना मोबाईल नेण्यास बंदी घालण्यात आली आहे. माध्यम प्रतिनिधींना ही मोबाईल घेऊन आतमध्ये प्रवेश नाकारण्यात येत आहे. शाब्दिक बाचाबाची नंतर मात्र, मतदान केंद्राबाहेर कार्यकर्त्यांमध्ये धुसफूस सुरू झाली होती. यातही पोलिसांनी हस्तक्षेप करत सर्वांना मतदान केंद्रापासून शंभर मिटरवर बाहेर जाण्यास सांगितले.