marine scrap dangerous to fishermen for fishing in the sea boat was destroyed 
कोकण

समुद्री कचरा बेततोय खलाशांच्या जीवावर

अर्जुन बापर्डेकर

आचरा (सिंधुदुर्ग) : समुद्री पाण्यातील कचरा मच्छीमारांच्या जिवावर बेतत आहे. बुधवारी पहाटे साडेसहाच्या सुमारास आसिफ मुजावर आणि इतर खलाशी मासेमारीसाठी समुद्रात जात असताना नस्ताजवळ होडीच्या इंजिनमध्ये कचरा अडकून इंजिन बंद पडले. भर समुद्रात इंजिन बंद पडल्याने लाटांमुळे होडी पलटी होऊन होडीतील खलाशी पाण्यात फेकले गेले. सुदैवाने किनारपट्टी पासून दिडशे फूटाच्या दरम्यान ही घटना घडल्याने होडीतील सर्व खलाशी सुखरूप आले. 

नजरेच्या टप्प्यात असलेली होडी स्थानिक मच्छीमारांच्या सहकार्याने अडीज तीन तासांच्या अथक प्रयत्नाने बाहेर काढण्यात यश मिळाले आहे. यात होडी आणि इंजिन यांचे मिळून सुमारे दोन लाखांचे नुकसान झाल्याचा अंदाज व्यक्त केला जात आहे.
आचरा समुद्रात बुधवारी पहाटे साडे सहाच्या सुमारास आसिफ मुजावर, जहिर मुजावर हे तुलसी मामा, संदिप बा, राजकुमार मेन यांच्यासह आपली होडी (पात) घेऊन मासेमारीसाठी जात असताना नस्ताजवळ समुद्रातील प्लॅस्टीक कचरा होडीच्या इंजिन मध्ये अडकून इंजिन बंद पडले. 

नस्ताजवळील धोकादायक ठिकाणी होडी अडकल्याने समुद्राच्या लाटांच्या माऱ्याने होडी पलटी होऊन होडीवरील खलाशी पाण्यात फेकले गेले. किनारपट्टीपासून काही अंतरावरच ही घटना घडल्याने होडीतील सर्व खलाशी पोहत सुखरूप किनाऱ्यावर आले. घटनेची खबर समजताच जिल्हा परिषद सदस्य जेरॉन फर्नांडिस, पोलिस हवालदार अक्षय धेंडे, पोलिस पाटील जगन्नाथ जोशी, विठ्ठल धुरी, ग्रामपंचायत सदस्य मुझफ्फर मुजावर यांसह स्थानिक मच्छीमारांनी घटनास्थळी धाव घेतली होती. अडीज तीनतासांच्या अथक प्रयत्नाने स्थानिक मच्छीमारांच्या सहकार्याने आसिफ मुजावर यांना होडी बाहेर काढण्यात यश आले. मात्र इंजिन आणि होडीचे मिळून सुमारे दिड ते दोन लाखांचे नुकसान झाल्याचा अंदाज व्यक्त केला जात आहे.

आचरा समुद्राचे नस्त धोकादायक

आचरा समुद्रात जिथे खाडी समुद्राला मिळते तो नस्ताचा भाग गाळाने भरून गेल्याने आधीच धोकादायक बनला आहे. आता खाडीच्या पाण्यातून येणारे प्लॅस्टीक आणि इतर कचरा यामुळे तो अधिकच धोकादायक बनला आहे. या कचऱ्यामुळे समुद्रातील जिवजंतूंनाही धोका निर्माण  झाला आहे. तसाच मासेमारीसाठी जाणाऱ्या मच्छीमारांनाही त्रासदायक बनला आहे. यामुळे समुद्रात येणारा हा कचरा भविष्यात मोठा त्रासदायक ठरण्याची भीती व्यक्त केली जात आहे. याबाबत प्रत्येकाने जागृत होणे आवश्यक बनले आहे.

संपादन - स्नेहल कदम 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

IND vs NZ 1st Test Day 2 Live: रोहित शर्मानंतर क्रिकेट इतिहासात ग्लेन फिलिप्सने 'अविश्वसनीय' पराक्रम केला; शतक ठोकले, निकोल्ससह अनेक विक्रमही मोडले...

IND vs NZ 1st Test Day 2 Live: ग्लेन फिलिप्सच्या मानेवर चेंडू जोरात आदळला! बॅट फेकली, हेल्मेट फेकलं... भारतीय खेळाडूने टशनने पाहिलं; जबरदस्त ड्रामा

SuryaKumar Yadav Post: सूर्यकुमारची रात्री सोशल मीडियावर पोस्ट! जय शाह, रोहित शर्मा, गौतम गंभीर यांचे मानले आभार; नेमकं काय म्हणाला?

Shirur Crime : राज्य उत्पादन शुल्क विभागाने घरावर छापा टाकून विदेशी दारूचा लाखो रुपयाचा साठा केला जप्त

HSC Economic Paper : बारावीच्या अर्थशास्त्राच्या पेपरच्या वेळापत्रकात अंशतः बदल

SCROLL FOR NEXT