रत्नागिरी : खेड एमआयडीसीतील घरडा केमिकल्स कंपनीतील 30 कामगारांना कोरोनाची लागण झाल्याचा धक्कादायक प्रकार पुढे आला आहे. कामगारांची खासगी प्रयोगशाळेत तपासणी केल्यानंतर हा प्रकार उघड झाला आहे. त्यामुळे जिल्ह्यातील कोरोना पॉझिटिव्हची रुग्णांची संख्या 942 झाली आहे. एका कोव्हीड पॉझिटिव्ह रुग्णाचा ह्रदयविकाराच्या झटक्याने मृत्यू झाला. यामुळे मृतांची संख्या 33 झाली आहे. रत्नागिरीतील आणखी एका डॉक्टरला कोरोनाची बाधा झाली आहे.

 
जिल्ह्यात कोरोनाचा फैलाव झपाट्याने होताना दिसत आहे. सोमवारी 48 कोरोनाबाधित रुग्ण सापडले होते. एवढ्या मोठ्या संख्येने कोरोना रुग्ण सापडत असल्याने आरोग्य विभाग आणि जिल्हा प्रशासनाची चिंता वाढली आहे. आज दिवसभरात कोरोनावर मात केलेल्या 7 रुग्णांना घरी सोडण्यात आले. बरे झालेल्यांची एकूण संख्या 634 झाली आहे. आज बरे झालेल्यांमध्ये कोव्हीड केअर सेंटर समाजकल्याण रत्नागिरी येथून 4 तर जिल्हा कोव्हीड रुग्णालय येथील 3 रुग्णांचा समावेश आहे. अ‍ॅक्टीव्ह पॉझिटिव्ह रुग्णांची संख्या 275 आहे. रत्नागिरी तालुक्यातील बसणी, साळवी स्टॉप परिसर हे क्षेत्र कोरोनाबाधित क्षेत्र म्हणून घोषित करण्यात आले आहेत.

हेही वाचा- भाजप आक्रमक : गुहागरमध्ये पुन्हा केली तीच चूक ; गटविकास अधिकाऱ्यांनी दिले आदेश.. -

एका डॉक्टरला कोरोनाची बाधा​

सोमवारी आढळलेल्या दोन कोरोनाबाधित रुग्णांमध्ये एकजण डॉक्टर असल्याचे निष्पन्न झाले. राजिवडा येथे या डॉक्टरचे क्लिनिक आहे. त्यांनाही कोरोनाची लागण झाली आहे. जिल्ह्यात सध्या 78 अ‍ॅक्टीव्ह कन्टेन्मेंट झोन आहेत. संस्थात्मक विलगीकरणात कक्षात 95 संशयित कोरोना रुग्ण दाखल आहेत. परराज्यातून व अन्य जिल्ह्यातून रत्नागिरी जिल्ह्यात 1 लाख 81 हजार 668 व्यक्ती दाखल झाले. रत्नागिरी जिल्ह्यातून इतर राज्यात तसेच इतर जिल्हयात गेलेल्यांची संख्या 94 हजार 885 आहे.  

हेही वाचा- कोकणात भातानंतर दुसऱ्या क्रमांकाचे पिक म्हणून आता या पिकाला शेतकऱ्यांनी दिली पसंती अन्  ते लागले डोंगरावर बहरु.... -

एकूण संख्या.... 

* जिल्हात एकूण 12 हजार 733  नमुण्यांची तपासणी
* त्यापैकी 12 हजार 355 तपासणी अहवाल प्राप्त 
* 942 अहवाल पॉझिटिव्ह 
* 11 हजार 413 अहवाल निगेटिव्ह 
* 378 नमुन्यांचा अहवाल प्रलंबित 
* बरे झालेले  - 634
* मृत्यू  - 33
* एकूण अ‍ॅक्टीव्ह पॉझिटिव्ह - 275

संपादन - अर्चना बनगे