रत्नागिरी : रविवारी रात्री उशिरापर्यंत प्राप्त अहवालामध्ये कोरोनाचे 40 रिपोर्ट पॉझिटिव्ह आले आहेत. त्यामुळे एकूण संख्या 1250 इतकी झाली आहे. त्यात रत्नागिरी तालुक्यातील पाच रुग्णाचा समावेश आहे. रविवारी रात्री आलेल्या अहवालानुसार घरडा 10, रत्नागिरी 5, कामथे 14, लांजा 6 आणि दापोली 5 रुग्ण आहेत.
रत्नागिरी तालुक्यात पाच नवे कोरोना पॉझिटिव्ह रुग्ण सापडून आले. या पाच रुग्णांमध्ये दोन राजीवडा येथील रुग्ण आहेत. एक गुडेवठार तर एक गावडेआंबेरे येथील रुग्ण आहे. कोतवडे येथे एक रुग्ण सापडला असून हा रुग्ण रत्नागिरीतील एका खाजगी रुग्णालयात नर्स म्हणून काम करत होता. कोव्हिड रुग्णालयात स्वॅब घेतल्यानंतर या नर्सचा अहवाल पॉझिटिव्ह आला आहे.
दरम्यान राजीवडा येथील एका कोरोना बाधित रुग्णाला उपचारासाठी कोव्हिड रुग्णालयात दाखल करण्यासाठी आरोग्य विभागाचे कर्मचारी गेले असता या कर्मचाऱ्यांसोबत येथील नागरिकांनी हुज्जत घातली. रुग्णाला उपचारासाठी दाखल करण्यावरून रविवारी रात्री मोठा तणाव निर्माण झाला होता. अखेर आरोग्य विभागाच्या कर्मचाऱ्यांनी पोलीस यंत्रणेला पाचारण केले. नागरिकांची समजूत काढून संबंधीत रुग्णाला उपचारासाठी दाखल करण्यात आले.
संपादन - अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.