मंडणगड : मंडणगड नगरपंचायतीचा सफाई कर्मचारी कोरोना संसर्गीत असल्याचे निदान झाले. त्यामुळे कोरोनाने आता नगरपंचायतीत शिरकाव केल्याचे स्पष्ट झाले. या कर्मचाऱ्याची तब्येत बिघडल्याने त्याने आरोग्य विभागाकडून तपासणी करुन घेतली. यावेळी घेण्यात आलेल्या अँटीजेन चाचणीत तो कोरोनाबाधीत असल्याचे आढळून आले होते.

हेही वाचा - ...तर माझी आई वाचली असती ! त्याने लिहले थेट मुख्यमंत्र्यांना पत्र अन्

मंडणगड नगरपंचायतीत कोरोनाचा शिरकाव झाल्याने, भितीचे वातावरण आहे. मंगळवार (८) सप्टेंबरला नगरपंचायतीच्या एकूण 18 कर्मचाऱ्यांचे स्वॅब आरोग्य विभागाने तपासणीसाठी घेतले आहेत. या अहवालाची कर्मचारी प्रतिक्षा करत आहे. सुरक्षेच्या कारणामुळे बुधवार (9) सप्टेंबर 2020 रोजी नगरपंचायत व्यापारी संकुलातील नगरंपचायतीचे कार्यालयीन कामावर याचा परिणाम जाणवला. मात्र प्रशासकीय कामकाज सुरू होते. 

मागील दोन दिवसात मंडणगड शहरात दोन नवीन कोरोनाबाधीत रुग्ण सापडल्याने नागरीकांमध्ये घबराट पसरली आहे. कोरोना विषाणू संसर्गाने मंडणगड शहराचे बाजारपेठेतही शिरकाव केला आहे. बाजारपेठीशी संबंधीत रुग्ण सापडल्याने यावर शिक्कामोर्तब झाले आहे. अँटीजेन चाचणीची सोय तालुक्यात उपलब्ध झाल्याने कोरोना संसर्ग झाला आहे की नाही याचा अहवात तात्काळ कळत असला, तरीही तालुक्यात कोरोना चाचण्या वाढवाव्यात अथवा नाही या विषयी मतमतातंरे सुरु आहेत. 

हेही वाचा - सबका टाइम आयेगा  : नितेश राणेंनी डागली शिवसेनेवर तोफ

अधिकाधीक कोरोना चाचण्या, कोरोनाबाधीतांवर उपचार व संसर्गाची साखळी तोडण्यासाठी जागरूकता करणे हे स्थानिकांच्या अजून पचनी पडलेली नाही. दरम्यान गेल्या दोन दिवसात, दोन रुग्ण सापडले तरी नगरंचायतीकडून कोरोना संसर्गाची साखळी तोडण्याकरिता कोणतेही विशेष पावले उचली गेल्याचे दिसून आलेले नाही.

संपादन - स्नेहल कदम