राजापूर : तालुक्यात या वेळी सभापती आणि उपसभापती अशी दोन्ही पदे महिला सदस्य भूषवीत आहेत. पंचायत समितीच्या सभापती आणि उपसभापतीपदी महिलाराज गेल्या सुमारे पन्नास वर्षांच्या कालावधीमध्ये पहिल्यांदाच आले आहे. सद्यःस्थितीमध्ये पंचायत समितीचे सभापतीपद शिवसेनेच्या सदस्य प्रमिला कानडे तर उपसभापतीपद उन्नती वाघरे भूषवीत आहेत.
अरबी समुद्रापासून थेट घाटमाथ्याच्या पायथ्यापर्यंत विस्तारलेल्या राजापूर तालुक्यामध्ये २३८ गावांचा समावेश आहे. ब्रिटिशकालीन इतिहासाची पार्श्वभूमी लाभलेल्या राजापूर तालुक्याचा कारभार पाहण्यासाठी पंचायत समितीची निर्मिती झाली. त्यापूर्वी सुमारे पंधरा वर्षे तालुक्याचा कारभार लोकल बोर्डातर्फे चालविला गेल्याची माहिती काही बुजुर्गांकडून
दिली जाते.
पंचायत समितीमध्ये सभापती आणि उपसभापतीपद अशी दोन्ही पदे एकाचवेळी दोन पुरुषांनी भूषविली आहेत तर, काहीवेळा पुरुष आणि महिला सदस्यांनी भूषविली. मात्र, एकाचवेळी दोन्ही प्रमुख पदे महिलांनी भूषविलेली नव्हती. मात्र, हा दुर्मिळ योग या वेळी जुळून आला आहे. पंचायत समितीत बारा सदस्य
शिवसेनेचे आहेत. शिवसेना पक्षांतर्गत झालेल्या निर्णयानुसार सभापती पदासाठी केळवली गणाच्या सदस्य कानडे तर उपसभापतीपदी साखरीनाटे गणाच्या वाघरे यांना संधी
मिळाली आहे.
आजपर्यंतचे उपसभापती
श्रीराम शेवडे, भिकाजी चव्हाण, कृष्णाजी प्रभूदेसाई, इब्राहिम बलबले, यशवंत बाणे, वासुदेव मासये, प्रकाश गुरव, देवजी फणसे, विजय राठोड, दिप्ती चव्हाण, देवचंद्र मांजरेकर, नारायण मोरे, शीतल हर्डीकर, सुहास वारीक, देवचंद मांजरेकर, विनोद शिंदे, प्रभात पाध्ये, भाग्यश्री लाड, उमेश पराडकर, अश्विनी शिवणेकर, प्रशांत गावकर, प्रकाश गुरव, उन्नती वाघरे.
आजपर्यंत यांनी सभापतीपद भूषविले
वामन सप्रे, भिकाजी चव्हाण, सदानंद प्रभूदेसाई, सदानंद चव्हाण, उमेश प्रभूदेसाई, प्रतिभा गुरव, प्रकाश कुवळेकर, सीताराम जाधव, देवजी फणसे, दत्ताराम गोरूले, रघुनाथ जोशी, हरिश्चंद्र गुरव, शीतल हर्डीकर, कमलाकर कदम, सुजाता ठुकरूल, देवचंद मांजरेकर, चेतना पारकर, पल्लवी तळेकर, सोनम बावकर, सुभाष गुरव, अश्विनी शिवणेकर, अभिजित तेली, विशाखा लाड, प्रकाश गुरव, प्रमिला कानडे.
हेही वाचा - वीज बिल माफीसाठी सिंधुदुर्गात मनसे आक्रमक -
संपादन - स्नेहल कदम
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.