ओरोस  (सिंधुदुर्ग) : कोरोना पॉझिटीव्ह रूग्णासोबत प्रवास केलेली ती सावंतवाडीजवळील गरोदर माता कोरोना निगेटिव्ह आहे. ही माहिती आज जिल्हाधिकारी के. मंजुलक्ष्मी यांनी दिली. 
सावंतवाडी तालुक्यातील ओटवणे परिसरात कोरोना पॉझिटीव्ह रूग्णासोबत प्रवास केलेली  गरोदर महिला असल्याबाबत चर्चा होती.

हेही वाचा- चिंता वाढली .... सिंधुदुर्गात आणखी एक पॉझिटिव्ह ....

ती गरोदर महिला मुंबई येथून आली आहे. तिला सावंतवाडी येथे सोडण्यासाठी आलेले तिचे मामा आज कोल्हापूर येथे कोरोना  पॉझिटीव्हवअसल्याचे समजले आहे. या  महिलेची तपासणी करण्यात आली असून तिचे अहवाल निगेटीव्ह आले आहेत. तिने 25 एप्रिलला जिल्हा रुग्णालय येथे एका अपत्यास जन्म दिला असून माता व बालक दोन्ही तंदरूस्त आहेत. 

हेही वाचा-कच्चे बंदी कळंबा कारागृहात हलविले ; बिंदू चौक सबजेल कारागृह झाले रिकामे... -

 जिल्हा रुग्णालयातील विलगीकरण कक्षात सध्या 69 रुग्ण दाखल आहेत. जिल्ह्यातून तपासणीसाठी आजपर्यंत एकूण 349 नमुने तपासणीसाठी पाठविण्यात आले आहेत. त्यापैकी 316 नमुन्यांचा अहवाल प्राप्त झाला आहे. तर अजून 33 नमुन्यांचा अहवाल अप्राप्त आहे. तर आरोग्य विभागातर्फे आज 2720 रुग्णांची तपासणी करण्यात आली आहे. सध्या जिल्ह्यात 228 व्यक्तींना घरीच अलगीकरण करण्यात आले .