कुडाळ ( सिंधुदुर्ग ) - गेली कित्येक वर्षे नारायण राणे यांचे कट्टर समर्थक म्हणून ओळख असलेले माजी सभापती सुनील भोगटे यांनी आज राष्ट्रवादी कॉंग्रेस पक्षात प्रवेश केला. राष्ट्रवादी कॉंग्रेसचे जिल्हाध्यक्ष अमित सामंत यांच्या हस्ते श्री. भोगटे यांचा प्रवेश झाला. श्री. भोगटे यांची जिल्हा उपाध्यक्षपदी निवड करण्यात आली.
श्री. भोगटे यांनी नारायण राणेंसोबत शिवसेना, कॉंग्रेस, स्वाभिमान पक्ष आणि भाजप असा प्रवास केला होता. यादरम्यान श्री. भोगटे यांनी येथील पंचायत समितीचे सभापती, उपसभापती पद भूषविले होते. भोगटे यांच्या प्रवेशापाठोपाठ अजून काही राणे समर्थक हे राष्ट्रवादी कॉंग्रेस पक्षात प्रवेश करणार आहेत. भोगटे यांच्या प्रवेशाने राष्ट्रवादी कॉंग्रेस पक्षात नवे चैतन्य निर्माण झाले आहे. श्री. भोगटे यांचा योग्य सन्मान केला जाईल. पुढील 2021 मध्ये होणाऱ्या कुडाळ नगरपंचायत निवडणूकसाठी राष्ट्रवादी कॉंग्रेसची भूमिका महत्त्वाची ठरणार आहे. महाविकास आघाडी नगरपंचायत ही एकत्रित रित्या लढणार आहे, असे श्री. सामंत यांनी सांगितले.
या प्रवेशादरम्यान श्री. सामंत यांनी श्री. भोगटे यांना जिल्हा राष्ट्रवादी कॉंग्रेसचे उपाध्यक्ष पद दिले. यावेळी राष्ट्रवादी कॉंग्रेस युवा जिल्हाध्यक्ष प्रफुल्ल सुद्रीक, बाळा कनयाळकर, तालुकाध्यक्ष भास्कर परब, आत्माराम ओटवणेकर, राष्ट्रवादी शहर अध्यक्ष संग्राम सावंत, साबा पाटकर, सावळाराम आणावकर, प्रसाद पोईपकर, अशोक कांदे, शिवाजी घोगळे या सर्वांनी सुनील भोगटे यांचे राष्ट्रवादी कॉंग्रेस पक्षात पुष्पगुच्छ देऊन स्वागत केले आणि पुढील वाटचालीस शुभेच्छा दिल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.