रत्नागिरी : लॉकडाऊन असतानाही काही लोक वेगवेगळ्या कारणांमुळे  घराबाहेर पडत आहेत. त्यात इव्हिनिंग वॉकच्या निमित्ताने बाहेर पडणाऱ्या लोकांना पोलिसांनी चांगलाच दणका दिला असून मैदानावर आलेल्या काहींना तिथेच बसवून ठेवण्यात आले आहे.

घराबाहेर पडू नये असे पोलिसांनी आणि प्रशासनाने आवाहन करूनही नागरिक संध्याकाळच्या वेळेत वॉकींगसाठी बाहेर पडू लागले आहेत. गुरुवारी मात्र रत्नागिरी पोलिसांनी या वॉक करणाऱ्यांना चांगली अद्दल घडविली. रत्नागिरी शहरातील मारुती मंदिरच्या शिवाजी स्टेडियमच्या मैदानात वॉक करणाऱ्या नागरिकांना तासभर मैदानातच बसून ठेवले. त्यामुळे या सगळ्यांची चांगलीच कोंडी झाली. प्रशासन वारंवार सांगून लोक ऐकत नसल्याने पोलिसांनी अखेर ही कारवाई केली.

हे पण वाचा - राहाण्यासाठी आसरा शोधायचा, फीटस् येणार्‍या बहिणीवर उपचार करायचे आणि मुंबईच्या घरीही जायचंय, अशा तीन आघाड्यांवर लढाई सुरू पण नियतीच्या मनात वेगळच होतं... 
 
 

कोरोनाचा प्रादुर्भाव रोखण्यासाठी जिल्ह्यात संचारबंदीचे काटेकोर पालन सुरू होते. विनाकारण घराबाहेर पडणाऱ्यांना पोलिसांच्या बांबूचे फटके खावे लागले तर काहींना चांगलाच फाईन भरावा लागला. यामुळे संचारबंदीची काटेकोरपणे अंमलबजावणी सुरू होती. मात्र अत्यावश्यक सेवांसाठी पास दिल्यानंतर रस्त्यांवर वर्दळ वाढली. पासधारक वाढल्याने पोलिसांनीही थोडी उसंत घेतली आणि विनाकारण बाहेर पडणाऱ्याचे फावले होते.

हे पण वाचा - पती नसल्याने कोरोनाच्या पार्श्‍वभूमीवर भीती वाटू लागली म्हणून तिने आपले घर गाठले; पण...