ओरोस (सिंधुदुर्ग) :   मालवण तालुक्यातील आंबडोस व्हाळवाडी येथील रविंद्र लक्ष्मण करावडे ( वय 46 ) यांचा रविवार 23 फेब्रुवारी रोजी रात्री पालघर जिल्ह्यातील नायगांव येथे अपघातात मृत्यु झाला. त्यांच्या निधनाने आंबडोस गावावर शोककळा पसरली आहे.

हेही वाचा- राणे बंधुना दिली या पदाची महत्वपूर्ण जबाबदारी...

रस्ता ओलांडतानाच

 मुळ आंबडोस व्हाळवाडी येथील रहिवाशी असलेले रविंद्र करावडे हे नायगांव येथे नोकरी निमित्त कुटुंबासह रहायला होते. रविवारी रात्री सुमारे 8 वाजण्याच्या सुमारास ते लहान भाऊ व पुतन्या यांच्यासमवेत ते राहत असलेल्या ठिकाणी असलेला रस्ता ओलांडत होते. याचवेळी एक अल्पवयीन युवक भरधाव वेगाने दुचाकी घेवून आला. या दुचाकी स्वाराने रविंद्र यांसह त्यांच्या सोबत असलेल्या छोट्या पुतन्याला जोरदार धडक दिली. यामुळे रविंद्र यांचा एक पाय फॅक्चर झाला.

हेही वाचा-  कुत्र्यांना सहज पकडण्याचे नेपाळी तंत्र

ते रस्त्यावरच कोसळले

तर दुचाकीची धडक बसल्याने ते रस्त्यावर कोसळले. यात त्यांच्या डोक्याला गंभीर मार बसला. परिणामी त्यांचा जागीच मृत्यु झाला. सुदैवाने सोबत असलेल्या त्यांच्या पुतन्या व भाऊ याला कोणतीही दुखापत झाली नाही. या अपघातात रविंद्र यांचा मृत्यु झाल्याने करावडे कुटुंबियांवर दुःखाचा डोंगर कोसळला आहे. रविंद्र यांच्या पश्चात पत्नी, एक मुलगा, तीन भाऊ, दोन बहिनी, भावजय, भाऊजी, पुतने, पुतनी असा परिवार आहे.