लोकसभा झाल्यानंतर आता लगेच विधान परिषद निवडणुकीच्या निमित्ताने राज्यात महाविकास आघाडी आणि महायुतीमध्ये कुरबुरी होत असल्याच चित्र आहे. अशातच कोकण पदवीधर मतदारसंघातील शिवसेनेचे(शिंदे गट) उमेदवार संजय मोरे यांनी त्यांचा उमेदवारी अर्ज मागे घेतला आहे. कोकण पदवीधर मतदारसंघातून आता महायुतीकडून भाजपचे निरंजन डावखरे हे उमेदवार असणार आहेत.

महाराष्ट्र विधान परिषदेच्या चार रिक्त जागांसाठी निवडणूक पार पडणार आहे. 26 जून रोजी मतदान होणार आहे. तर आज (12 जून) उमेदवार अर्ज मागे घेण्याचा शेवटचा दिवस आहे. दरम्यान आज कोकणातून शिवसेनेने माघार घेत ती जागा भाजपला दिली आहे.

कोकण पदवीधर निवडणुकीतून शिवसेना उद्धव ठाकरे गटाची माघार

कोकण पदवीधर निवडणुकीतून शिवसेना उद्धव ठाकरे गटाने माघार घेतली आहे. शिवसेना उद्धव ठाकरे गटाचे नेते संजय राऊत यांनी माध्यमांशी बोलताना आज याबाबतची माहिती दिली आहे. कोकण पदवीधर निवडणूक महाविकास आघाडी तर्फे काँग्रेस लढवणार असल्याची माहितीही राऊत यांनी बोलताना दिली आहे.

विधान परिषदेच्या निवडणुकीत महाविकास आघाडी आणि महायुतीचे उमेदवार

कोकण पदवीधर मतदारसंघ

निरंजन डावखरे (भाजप)

किशोर जैन (शिवसेना उद्धव बाळासाहेब ठाकरे) - अर्ज माघारी घेणार असल्याची माहिती

रमेश कीर (काँग्रेस)

संजय मोरे (शिवसेना) - माघार