सावंतवाडी (सिंघुदूर्ग ) : येथील शासनाच्या समाजकल्याण वसतीगृहांमध्ये मुलींना योग्य वर्तवणूक मिळत नसून यापुढे त्यांना चुकीची वागणूक मिळाल्यास गप्प बसणार नाही. अशा प्रकारची वागणूक देणाऱ्या वसतिगृहाच्या प्रभारी गृहपालाची तत्काळ जिल्ह्याबाहेर बदली केली जावी, या मागणीसाठी आंबोली येथील अर्चना चव्हाण व अरुण चव्हाण यांनी येथील समाजकल्याण वसतीगृहासमोर उपोषण छेडले.
ही बाब राष्ट्रवादीच्या पदाधिकाऱ्यांनी मंत्री धनंजय मुंडे यांच्या कानावर घालताच संबंधित गृहपालांच्या बदलीचे आदेश निघाले. येथील मुलींच्या वसतिगृहात राहत असलेल्या मुलींना प्रभारी गृहपाल यांच्याकडून सातत्याने चुकीची वागणूक दिली जाते. त्यामुळे त्यांची तातडीने बदली केली जावी या मागणीसाठी मुलीचे पालक अरुण चव्हाण, सौ. अर्चना चव्हाण यांनी काल (ता.14) येथील मुलीच्या वस्तीगृहासमोरच जाहीर उपोषण पुकारले. यावेळी ही बाब त्यांनी राष्ट्रवादी कॉंग्रेस मागासवर्गीय सेल जिल्हाध्यक्ष विजय कदम यांच्या निदर्शनास आणून दिली. असता त्यांनी ही या उपोषणाला राष्ट्रवादी पक्षातर्फे पाठींबा देत उपोषणात सहभाग घेतला.
आपल्या वर्तवणुकीत सुधारणा करा
यावेळी उपोषण स्थळी राष्ट्रवादी महिला जिल्हाध्यक्षा सौ. रेवती राणे, माजी जिल्हाध्यक्ष सुरेश गवस, उदय भोसले, प्रा. सतीश बागवे, माजी नगरसेवक गोविंद वाडकर, गुरुदत्त कामत, सत्यजित धारणकर, संदीप राणे, सत्यजित धारणकर,महिला जिल्हाध्यक्षा अँड. रेवती राणे, संदिप राणे, रंजना निर्मेले आदींनी या उपोषणस्थळी धाव घेतली. यावेळी पालक चव्हाण यांची कैफियत ऐकून घेत या ठिकाणी वसतिगृहाचे वरिष्ठ निरीक्षक यांना पाचारण करण्यात आले. ते दाखल होताच वसतिगृहाच्या कारभरावरून राष्ट्रवादीच्या पदाधिकाऱ्यांनी त्यांची चांगलीच कान उघडणी केली. त्यावर माजी जिल्हाध्यक्ष सुरेश गवस यांनी या कारणाला धरून वरिष्ठ निरीक्षक यांना चांगलेच फैलावर घेतले. सर्व समस्या सुटणाऱ्या असून त्यांचा तातडीने निपटारा केला जावा, प्रभारी गृहपाल यांनी आपल्या वर्तवणुकीत सुधारणा करावी अन्यथा गप्प बसणार नाही, अशी सूचना दिली.
हेही वाचा- राज्य नाट्य स्पर्धेत खल्वायनच्या संगीत ताजमहालची बाजी
काही तासातच बदलीचे आदेश
जोपर्यंत संबंधित गृहपालांवर कारवाई होत नाही तोपर्यंत उपोषण सुरूच ठेवणार, असा इशारा पालक चव्हाण यांनी दिला. योग्य ती कारवाई केली जाईल, असे आश्वासन वरिष्ठ निरीक्षक यांनी दिल्यानंतर हे उपोषण मागे घेण्यात आले. एकूणच या परिस्थितीबाबत राष्ट्रवादीच्या पदाधिकाऱ्यांनी मंत्री मुंडे यांचे लक्ष वेधले. मंत्री मुंडे यांनी या प्रकरणी लक्ष घालण्याचे आश्वासन दिल्यानंतर काही तासातच लिपिक चव्हाण यांच्या बदलीचे आदेश निघाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.