rat२३३३.txt

बातमी क्र. .३३ ( पान ३ )

फोटो : ratchl२२३.jpg ः
८४८३७
चिपळूण ः नागरिकांचे नळ कनेक्शन तोडताना पालिका कर्मचारी.

चिपळुणात २२ थकबाकीदारांचे पाणी बंद

३ मालमत्ता सील तर ११ लाखांची वसुली

चिपळूण, ता. २३ ः नगर पालिकेच्या आवाहनाला केराची टोपली दाखवत पाणीपट्टी भरण्याकडे दुर्लक्ष करणाऱ्या शहरातील २२ थकबाकीदारांना पाणीपट्टी वसुली पथकाने जोरदार झटका दिला आहे. बुधवारी कर व पाणीपट्टी वसुलीची मोहीम राबवताना अधिकारी, कर्मचाऱ्यांनी त्यांचा नळपाणी पुरवठाच बंद करत कारवाईचा बडगा उगारला तर दिवसभरात ३ मालमत्ता सील करताना ११ लाखांची वसुली केली.
पाणीपट्टी वसुली पथकाने आजपर्यंत ७४ नळ कनेक्शन तोडण्याची कारवाई केली आहे. बुधवारी एकाच दिवशी तब्बल २२ थकित नळ कनेक्शन खंडित केले गेले आहेत. थकित पाणीपट्टी खूप मोठ्या प्रमाणात आहे. पाणीपट्टीमध्ये दंड नाही तरीही नागरिक ती भरायचे टाळतात. खंडित केलेले नळ कनेक्शनची पूर्ण रक्कम भरून पावती सादर केल्यानंतर नळ कनेक्शन पूर्ववत केले जात आहे. नगर पालिका कर्मचारी सचिन जाधव, अजय मनोरकर, वासुदेव राऊत हे गेले दोन महिने पाणीपट्टी वसुली कामासाठी झटत आहेत. शहरात एकूण थकित पाणीपट्टीसहित २ कोटी ५० लाख मागणी असून, त्यापैकी आजपर्यंत केवळ ८५ लाख रुपये वसूल झाले आहेत.