सिंधुदुर्ग बाजार समितीची
अंतिम मतदार यादी प्रसिद्ध
कणकवली, ता. २७ ः कृषी उत्पन्न बाजार समित्या (समितीची निवडणूक) नियम 2020 मधील तरतुदीन्वये सिंधुदुर्ग कृषि उत्पन्न बाजार समिती, जिल्हा सिंधुदुर्ग या समितीच्या पंचवार्षिक निवडणुकीसाठी समितीची प्रारूप मतदार यादी ते अंतिम मतदार यादी प्रसिद्ध करण्याबाबत कार्यक्रम जाहीर केला आहे. सहकारी संस्थेची प्रारूप मतदार यादी अंतिम करून प्रसिद्ध करण्याबाबतचा कार्यक्रम फक्त संबंधित सभासदांसाठी आहे. सुधारित प्रारूप मतदार यादी प्रसिद्ध करणे २७ फेब्रुवारी, सुधारित प्रारूप मतदार यादीवरील आक्षेप व हरकती मागविणे २७ फेब्रुवारी ते ८ मार्च जिल्हा उपनिबंधक, सहकरी संस्था, सिंधुदुर्ग यांच्या कार्यालयीन वेळेत, सुधारित प्रारूप मतदार यादी वरील आक्षेप व हरकतींवर निर्णय घेणे ८ ते १७ मार्चपर्यंत, सुधारित अंतिम मतदार यादी प्रसिद्ध करणे २० मार्च असा निवडणूक कार्यक्रम जिल्हा सहकारी निवडणूक अधिकारी तथा जिल्हा उपनिबंधक, सहकारी संस्था, सिंधुदुर्ग, तालुका सहाय्यक निबंधक व गटविकास अधिकारी कार्यालय व संबंधित संस्था कार्यालय येथे प्रसिद्ध केला आहे.