दुचाकी अपघातप्रकरणी स्वाराविरुद्ध गुन्हा
रत्नागिरी ः तालुक्यातील पाली ते वळके रस्त्यावर दुचाकी निष्काळजीपणे चालवून अपघात करणाऱ्या स्वाराविरुद्ध ग्रामीण पोलिस ठाण्यात गुन्हा दाखल करण्यात आला आहे. प्रणय सुरेश घोडेकर (वय २२, पत्ता माहीत नाही) असा संशयित आहे. ही घटना गुरूवारी (ता. १६) रात्री साडेआठच्या सुमारास पाली ते वळके जाणाऱ्या रस्त्यावर चाळकेवाडी येथे घडली. पोलिसांकडून मिळालेल्या माहितीनुसार, संशयित घोडेकर दुचाकीवर (एमएच-४३-सीडी-२९५०) अघोदिप पिंकू पॉल याला मागे बसवून घेऊन जात असताना पाली ते वळके रस्त्यावरील चाळकेवाडी येथील रस्त्यावर दुचाकी निष्काळजीपणे चालवल्यामुळे दुचाकी साईडपट्टीच्या खोलगट भागात जाऊन अपघात झाला. या अपघातामध्ये स्वतःसह मागे बसलेल्या अघोदिप पॉल याला दुखापत झाली. या प्रकरणी संतोष भिकाजी कांबळे यांनी ग्रामीण पोलिस ठाण्यात तक्रार दिली. तक्रारीवरून पोलिसांनी संशयिताविरुद्ध गुन्हा दाखल केला आहे. अधिक तपास ग्रामीण पोलिस करत आहेत.