८ (टुडे पान १ साठी, संक्षिप्त पट्टा)

खल्वायनची आज संगीत मैफल

रत्नागिरी ः येथील खल्वायन रत्नागिरी या संस्थेची २८९वी मासिक संगीत सभा उद्या (ता. १३) सायंकाळी सात ते नऊ या वेळेत गोदुताई जांभेकर विद्यालयात म्हैसूरच्या श्रीमती देवी यांच्या शास्त्रीय तसेच अभंग गायनाने रंगणार आहे. (कै.) जगन्नाथ यशवंत उर्फ नाना खोत सावंत (नाचणे) स्मृती संगीत मैफल म्हणून होणार आहे. ही मैफल विनामुल्य आहे. संगीतप्रेमी रसिकांनी मैफलीला उपस्थित राहावे, असे आवाहन खल्वायनचे अध्यक्ष मनोहर जोशी यांनी केले आहे.
-------
सोमवारी महिला लोकशाही दिन

रत्नागिरी ः जिल्हास्तरावर दर महिन्याला तिसऱ्या सोमवारी जिल्हाधिकारी कार्यालयाचे सभागृहात जिल्हास्तरीय महिला लोकशाही दिन साजरा केला जातो. येत्या १५ मे रोजी सकाळी ११ ते १ या वेळेत आयोजन करण्यात आले असून, जिल्ह्याची भौगोलिक स्थिती लक्षात घेता ज्या महिलांना लोकशाही दिनास प्रत्यक्ष उपस्थित राहता येणार नाही अशा महिलांच्या सोयीच्यादृष्टीने रत्नागिरी जिल्ह्यातील महिलांना प्रायोगिक तत्त्वावर फोनद्वारे संपर्क करून सोमवारी महिला लोकशाही दिनात जिल्हाधिकारी कार्यालय रत्नागिरी यांच्या १०७७ या टोलफ्री क्रमांकावर दुपारी १२ ते १ वा. या वेळेत त्यांचे निवेदन, अर्ज नोंदवता येतील.
--

कळंबणी खुर्दमध्ये २८ ला मोफत नेत्रतपासणी शिबिर

खेड ः कळंबणी खुर्द जलसमिती व इन्फिगो हॉस्पिटल यांच्या संयुक्त विद्यमाने २८ मे रोजी कळंबणी खुर्द येथील प्राथमिक शाळेत सकाळी ११ ते सायं. ४ या वेळेत मोफत नेत्रतपासणी शिबिराचे आयोजन करण्यात आले आहे. या शिबिरात रुग्णांची मोफत नेत्रतपासणी करण्यात येणार असून, अठरागाव परिसरातील रुग्णांनी शिबिरात सहभागी व्हावे, असे आवाहन आयोजकांतर्फे करण्यात आले आहे.
--