पान २ साठी

रत्नागिरीमध्ये शनिवारपासून
भिडे स्मृती बुद्धिबळ स्पर्धा
सकाळ वृत्तसेवा
रत्नागिरी, ता. ७ ः येथे येत्या शनिवारी (ता. १०) आणि रविवारी (ता. ११) जूनला तालुकास्तरीय क्लासिकल बुद्धिबळ स्पर्धेचे आयोजन करण्यात आले आहे. नुकत्याच जाहीर झालेल्या रत्नागिरी जिल्हा बुद्धिबळ विकास कार्यक्रमांतर्गत होणारी ही पहिलीच स्पर्धा आहे. उज्ज्वला वसंत भिडे यांच्या स्मृतीप्रित्यर्थ रत्नागिरी येथील मॅजिक स्क्वेअर चेस अकॅडमीतर्फे ही स्पर्धा आयोजित केली आहे.
आंतरराष्ट्रीय क्लासिकल बुद्धिबळाच्या नियमांनुसार, स्वीस लीग पद्धतीने ही स्पर्धा घेण्यात येईल. स्पर्धेला रोख रक्कम व इतर उत्तेजनार्थ परितोषिके स्वरूपात खुल्या व विविध गटांमध्ये एकूण १५ हजार रुपयांची बक्षिसे देण्यात येणार आहेत. रत्नागिरी तालुक्यातील बुद्धिबळपटूंना क्लासिकल प्रकारात बुद्धिबळ खेळण्याची ही चांगली संधी आहे. तालुक्यातील प्रथम नाव नोंदवणाऱ्या ३२ खेळाडूंना स्पर्धेत सहभाग घेता येईल. स्पर्धेत नाव नोंदवण्यासाठी चैतन्य भिडे, मंगेश मोडक, विवेक सोहनी यांच्याशी संपर्क साधावा.