-rat23p43.jpg
85444
पावस ः निरूळ ठिकवाडी येथील सदानंद ठीक यांच्या गोठ्यावर पडलेले नारळाचे झाड.

निरुळमध्ये गोठ्यावर माड पडून नुकसान
पावस, ता. २३ ः रत्नागिरी तालुक्यातील निरूळ-ठीकवाडी येथे सदानंद गोविंद ठीक यांच्या गोठ्यावर नारळाचे झाड कोसळले. त्यामध्ये गोठ्याचे सुमारे दीड लाखाचे नुकसान झाले. कोणतीही जीवितहानी झालेली नाही. ही घटना गुरुवारी (ता. २३) पहाटे सव्वातीन ते साडेतीन वाजण्याच्या सुमारास घडली. पावस पंचक्रोशीत बुधवारी मध्यरात्री आणि गुरुवारी पहाटे विजांच्या कडकडाटासह पाऊस पडला. जोरदार वाऱ्यामुळे आंबा आणि काजूच्या बागांचे नुकसान झाले. या वादळी वाऱ्यामुळे गावातील अनेक भागांमध्ये विजेचे खांब वाकल्यामुळे अनेक ठिकाणी वीजपुरवठा खंडित झाला होता. कनिष्ठ अभियंता यांनी तत्काळ भेट देऊन कर्मचाऱ्यांसह वीजपुरवठा सुरळीत केला. गोठ्यावर पडलेल्या झाडामुळे झालेल्या नुकसानीचा पंचनामा तलाठी आकाश भगत, ग्रामसेवक सदानंद शिंदे यांनी पंचनामा केला.