ra१p१५.jpg
87219
रत्नागिरी ः शीळ धरणाच्या सुरक्षेसाठी बांधण्यात येणारी संरक्षक भिंतीचे काम पूर्ण.

शीळ धरण ३५० मीटर भिंतीमुळे सुरक्षित

१२ कोटींचे काम पूर्ण; सांडव्याच्या बाजूचा डोंगर होता खचत
सकाळ वृत्तसेवा
रत्नागिरी, ता. १ : शीळ धरणाच्या सांडव्याकडील डोंगराळ भाग खचत असल्याने धरणाला धोका निर्माण झाला होता. परंतु धरणाच्या सुरक्षेच्यादृष्टीने ३५० मीटर लांबीची संरक्षक भिंत प्रस्तावित करण्यात आली होती. १२ कोटी खर्च करून ही भिंत आता पूर्ण झाली आहे. त्यामुळे शीळ धरण आता सुरक्षित झाले आहे.
शहरवासीयांना पाणीपुरवठा करणाऱ्या शीळ धरणाला धोका निर्माण झाला होता. अतिवृष्टीमुळे दोन वर्षांपूर्वी डोंगराचा भाग खचला होता. यामुळे संरक्षक भिंतीचा प्रस्ताव पाटबंधरे विभागाने पाठविला होता. तो प्रस्ताव पालकमंत्री उदय सामंत यांच्या प्रयत्नामुळे मंजूर झाला. गेली दोन वर्षे सांडव्याचे काम सुरू आहे. सुमारे १२ कोटीची ही ३५० मीटर लांब अंतराची सिंमेंट क्राँक्रिटीची संरक्षक भिंत आहे. ती आता बांधून पूर्ण झाली आहे. या धरणाच्या सांडव्यातून धरणातील अतिरिक्त पाण्याचा विसर्ग होतो. परंतु भविष्यात डोंगर खचून सांडव्यामध्ये मलबा आला तर धरणाला धोका निर्माण होऊ शकतो. ही बाब लक्षात घेत खचणाऱ्या डोंगराकडील भाग मजबूत करण्यासाठी संरक्षक भिंत उभारण्यात आली.