-rat२१p२८.jg-
P२४M९८७४२
रत्नागिरी : पर्यावरण जाणीव जागृती अभियान मंडळाच्या उद्घाटनप्रसंगी बोलताना प्राचार्य डॉ. मकरंद साखळकर. सोबत प्रतिक मोरे, प्रा. सुनील गोसावी आदी.
----------

अभ्यंकर महाविद्यालयात
पर्यावरण जनजागृती मंडळ

सकाळ वृत्तसेवा
रत्नागिरी, ता. २२ : अभ्यंकर- कुलकर्णी कनिष्ठ महाविद्यालयात पर्यावरण जाणीव जागृती अभियान मंडळाचे उद्घाटन पर्यावरण अभ्यासक व संवर्धक प्रतीक मोरे यांच्या हस्ते डॉ. ज. शं. केळकर सेमिनार हॉल येथे झाले.
श्री. मोरे यांनी याप्रसंगी रत्नागिरीतील आंबा घाट, कातळ सडे आणि विस्तीर्ण किनारपट्टी यावरील जैवविविधता यांची माहिती देताना कोकणातील प्रदेशनिष्ठ व संकटग्रस्त वनस्पती, हॉर्नबिलच्या विविध प्रजाती, रान कुत्रे, रानगवे व फुलपाखरांच्या विविध प्रजाती यांची माहिती चित्रफितींसह करून दिली. त्यांच्या संवर्धनाची जबाबदारी यावर प्रकाश टाकला. कोकणातील देवराया व त्यांचे पर्यावरणीय महत्त्व पटवून दिले.
कार्यक्रमाचे प्रास्ताविक करताना मंडळाच्या समन्वयक स्मिता पाथरे यांनी मंडळाद्वारे वर्षभरातील होणाऱ्या विविध कार्यक्रमांचा आढावा घेतला आणि उद्दिष्टे स्पष्ट केली. प्राचार्य डॉ. मकरंद साखळकर यांनी पर्यावरण संवर्धनासाठी सजगतेने कार्य करण्याची गरज व महत्व स्पष्ट केले. कार्यक्रमाला कनिष्ठ महाविद्यालयाचे उपप्राचार्य प्रा. सुनील गोसावी उपस्थित होते. पर्यवेक्षक प्रा. विद्याधर केळकर यांनी शुभेच्छा दिल्या. सूत्रसंचालन ऋषिराज नागवेकर यांनी केले. कार्यक्रमाला मंडळाचे सदस्य गोविंद दाते आणि रुपेश ताम्हणकर हे उपस्थित होते.