rat३p३.jpg -
२५N६७८३४
चिपळूण ः गाणे-खडपोली येथील जे. के. फाईल्समधील सेवानिवृत्त झालेल्या कामगारांचा कंपनीकडून सत्कार करण्यात आला.

जे. के. फाईल्समधील
सात कामगार सेवानिवृत्त
सकाळ वृत्तसेवा
चिपळूण, ता. ३ ः तालुक्यातील गाणेखडपोली एमआयडीसीतील जे. के. फाईल्स या कंपनीतील सात कर्मचारी एकाच दिवशी सेवानिवृत्त झाले आहे. त्यांचा कंपनीकडून नुकताच सत्कार करण्यात आला.
पस्तीस वर्षाहून अधिक कालावधी सेवेत राहिलेल्या उमेश घाग, मोहन खापरे, श्याम साळवी, विलास जाधव, विलास झुजम, संजय खातू, बबन कातुर्डे यांचा व्यवस्थापन आणि कामगार कर्मचाऱ्यांनी सपत्नीक सत्कार केला. कंपनीत रूजू झाल्यानंतरचे दिवस, तेव्हापासून आतापर्यंत आलेले अनुभव, सहकारी कामगार आणि प्रशासनातील अधिकाऱ्यांचे सहकार्य कसे मिळाले या संदर्भात कामगारांनी आपले मनोगत व्यक्त केले. कंपनीत काम मिळाले म्हणून कुटुंब जगवता आले. मुलांचे शिक्षण करता आले. स्पर्धेच्या युगात आज कायमस्वरूपी नोकरी मिळणे म्हणजे स्वप्नच आहे. अशा भावना कामगारांनी व्यक्त केल्या. जे. के. फाईल्स कंपनीचे प्लांट हेड प्रवीण पाटील म्हणाले, नव्या संकल्पना व कौशल्य विकास ही काळाची गरज आणि सामूहिक जबाबदारी आहे. व्यवस्थापकीय अधिकारी उदय सोले, राजेश शिंदे, धनंजय लाड आदी या वेळी उपस्थित होते.