70772

ग्रामपंचायत अधिकारी परब
यांचा असनिये येथे सत्कार

सकाळ वृत्तसेवा
ओटवणे, ता. १५ ः असनिये ग्रामपंचायतीचे अधिकारी मुकुंद परब यांनी असनिये गावाच्या विकासासाठी सुमारे १० वर्षे सर्वोत्कृष्ट सेवा बजावल्याबद्दल त्यांचा ग्रामस्थांच्या वतीने सन्मान करण्यात आला.
ग्रामदैवत श्री देवी माऊली मंदिरात आयोजित करण्यात आलेल्या या कार्यक्रमाला असनिये सरपंच रेश्मा सावंत, देवस्थानचे मानकरी राजाभाऊ भुस्कुटे, दाजी सावंत, प्रकाश सावंत, लक्ष्मण सावंत, दशावतारी कलाकार बाबल सावंत, भिकाजी नाईक, विश्वनाथ सावंत, उदय सावंत, शैलेश सावंत, पोलिसपाटील विनायक कोळापटे आदी मान्यवर उपस्थित होते. मनमिळावू स्वभाव व विविध कलांमध्ये पारंगत अशी ओळख असलेले श्री. परब अष्टपैलू दशावतारी कलाकार व उत्कृष्ट सूत्रसंचालक आहेत. यावेळी उपस्थित मान्यवरांनी परब यांच्या कार्याचे कौतुक केले. कृषी सहाय्यक मिलिंद निकम यांनी सूत्रसंचालन केले.