71555

संदीप सावंतांना ‘परिवर्तन दूत’ पुरस्कार
कणकवली ः येथील सामाजिक कार्यकर्ते संदीप सावंत यांना कोल्‍हापूर येथील डॉ.व्ही.टी. पाटील फाउंडेशनतर्फे दिला जाणारा मीना सामंत परिवर्तन दूत पुरस्कार जाहीर झाला आहे. कोल्‍हापूर येथील गोविंदराव टेंबे रंगमंदिर देवल क्‍लब येथील कार्यक्रमात या पुरस्काराचे वितरण करण्यात आले. संदीप सावंत हे स्वयंदीप चॅरिटेबल ट्रस्टच्या माध्यमातून सामाजिक शैक्षणिक क्षेत्रात युवक, युवती व महिलांसाठी सिंधुदुर्ग जिल्ह्यात मोठ्या प्रमाणात काम करत आहेत. महिलांजवळ असलेल्या कौशल्याचा वापर करून त्यांना त्यामध्ये आधुनिकतेची जोड देऊन रोजगार निर्मिती कशी करू शकतो याचे प्रशिक्षण देऊन स्वतःचा व कुटुंबाचा उदरनिर्वाह करण्यासाठी अनेक उद्योजिका तयार केल्या आहेत. त्‍यासाठी ते सातत्‍याने प्रशिक्षण शिबिरांचे आयोजन करत आहेत. याखेरीज गोपुरी आश्रमातही ते विविध उपक्रम राबवत आहेत.